NATO, Shqipëria në pritje të firmës greke

Greqia, do të jetë vendi i fundit që do të ratifikojë protokollin e anëtarësimit në NATO të Shqipërisë. Pas ratifikimit nga Portugalia, Greqia dhe Holanda janë dy shtetet anëtare të NATO-s që megjithëse janë shprehur pro Shqipërisë në NATO, nuk e kanë dhënë ende "OK" zyrtarisht. Senati i Holandës pritet të ratifikojë këtë të martë protokollin e anëtarësimit të Shqipërisë në NATO. Zyra e shtypit e Kuvendit të Shqipërisë bëri të ditur se ky ratifikim është përfshirë në rendin e ditës së seancës së datës 17 shkurt 2009. Pas vizitës së ministres së Jashtme greke, Dora Bakojanis në Shqipëri, Tirana zyrtare është më e qetë përballë faktit se Greqia nuk do të bëhet asnjë pengesë që Shqipëria të jetë anëtare me të drejta të plota të strukturës së Atlantikut të Veriut.