NBA iken ikago
Skuadra e yllit të dikurshëm Majkëll Xhordan nuk do të zbukurojë më parketet e pallateve të sportit në NBA-t. Çikago Bulls u mposht pas 6 ndeshjesh nga Filadelfia, pasi u thye vetëm me një pikë, 78-79, jashtë fushe, në një përfundim të dhimbshëm të një sezoni ku “demat” kishin qenë të shkëlqyer. Mungesa e yllit kryesor, Derrik Rouz, doli tepër e madhe për të mos ndikuar.
Një ndeshje plot tension dhe barazpeshë u zhvillua në Filadeldia, në prani të 20 362 shikuesve. Vendasit ishin përpara në gjysmën e parë, por Çikago u rikthye në të dytën dhe gjithçka u vendos nga dy gjuajtje të lira të Iguodalës 2 sekonda para fundit të takimit. Luol Deng shënoi 19 pikë dhe kapi 17 topa në tabela për Bullsat.
Emri tjetër i madh, Bostoni, shpëtoi mirë dhe eleminoi Atlantën 4-2 me fitore. Sëlltiksët fituan 83-80 në fushën e tyre, përmes një përballjeje tepër të fortë. Ylli i vendasve ishte Kevin Garnet që shënoi 28 pikë, kapi 14 topa në tabela, rrëmbeu 3 topa nga kundërshtari dhe realizoi 5 bllokime, apo siç quhen ndryshe “kapuça”. Në gjysmëfinale të konferencës lindore ndeshen pikërisht Boston e Filadelfia.
Së fundi, Lejkërsat u detyruan për të luajtur ndeshjen e 7-të, pasi Denveri i theu bindshëm 113-96. Taj Louson ishte më i miri për vendasit me 32 pikë, ndërsa skuadra kaliforniane ishte vazhdimisht në dizavantazh. Kobi Brajant shënoi 31 pikë, ndonëse ishte i sëmurë me dhimbje stomaku, por Bajnum dhe Gasol nuk ishin në nivelet e tyre të zakonshëm. Ndeshja e shtatë do të luhet në Los Anxhelos.
Sonte, në NBA, do të luhet vetëm një ndeshje, ajo mes Klipersave dhe Memfisit. Klipersat kualifikohen nëse fitojnë.
Një ndeshje plot tension dhe barazpeshë u zhvillua në Filadeldia, në prani të 20 362 shikuesve. Vendasit ishin përpara në gjysmën e parë, por Çikago u rikthye në të dytën dhe gjithçka u vendos nga dy gjuajtje të lira të Iguodalës 2 sekonda para fundit të takimit. Luol Deng shënoi 19 pikë dhe kapi 17 topa në tabela për Bullsat.
Emri tjetër i madh, Bostoni, shpëtoi mirë dhe eleminoi Atlantën 4-2 me fitore. Sëlltiksët fituan 83-80 në fushën e tyre, përmes një përballjeje tepër të fortë. Ylli i vendasve ishte Kevin Garnet që shënoi 28 pikë, kapi 14 topa në tabela, rrëmbeu 3 topa nga kundërshtari dhe realizoi 5 bllokime, apo siç quhen ndryshe “kapuça”. Në gjysmëfinale të konferencës lindore ndeshen pikërisht Boston e Filadelfia.
Së fundi, Lejkërsat u detyruan për të luajtur ndeshjen e 7-të, pasi Denveri i theu bindshëm 113-96. Taj Louson ishte më i miri për vendasit me 32 pikë, ndërsa skuadra kaliforniane ishte vazhdimisht në dizavantazh. Kobi Brajant shënoi 31 pikë, ndonëse ishte i sëmurë me dhimbje stomaku, por Bajnum dhe Gasol nuk ishin në nivelet e tyre të zakonshëm. Ndeshja e shtatë do të luhet në Los Anxhelos.
Sonte, në NBA, do të luhet vetëm një ndeshje, ajo mes Klipersave dhe Memfisit. Klipersat kualifikohen nëse fitojnë.