Nafta, në tregun vendas, 105 lekë/litri

Më në fund ka reflektuar edhe tregu vendas i karburanteve, duke ofruar tashmë një çmim më të ulët. Prej pesë ditësh, në vend, çmimi i një litri nafte kushton 105 lekë nga 120 lekë që ishte dy javë më parë ose 165 lekë që ishte në muajt korrik-gusht 2008. Reagimi i tregut vendas ishte me vonesë, madje dhe tani mund të thuhet pa frikë se çmimi aktual nuk reflekton plotësisht uljen në tregun ndërkombëtar. Gjithsesi, konsumatorët shprehen të kënaqur me nivelin aktual të çmimeve.