Çmimi i naftës, nën 39 dollarë

Vijon periudha e errët për karburantin, i cili dje regjistroi nivelin nën 39 dollarë për fuçi. Ekspertë të ekonomisë parashikojnë një ulje edhe më të madhe të çmimit të naftës, deri në 26 dollarë për fuçi, duke marrë si bazë sjelljen e kërkesës në bursat e ndryshme ndërkombëtare. Çmimi i arit të zi ka pësuar një rënie me 75 për qind, që nga koha e rekordit historik kur në tregje shitej për 150 dollarë për fuçi, ndërsa te ne me 165 lekë/litri.