Nano: Do te avancoj me ofertat qe zgjidhin problemet

Ish-lideri socialist, Fatos Nano, tha dje pas takimit me Ambasadorin e Shteteve te Bashkuara te Amerikes, Aleksander Arvizu, se gjate takimit ndane arsyetime te njejta per nevojen e nje klime politike me te frytshme drejt integrimit. Klime qe, sipas tij, duhet t'i pershtatet edhe sfida e ardhshme presidenciale. Nga ana tjeter, Nano komentoi edhe qendrimet e kryeministrit Sali Berisha, duke u shprehur se si kreu i mazhorances dhe partise me te madhe ne vend, ai po ben detyren e tij dhe ka treguar se po kryen mire sherbimin kombetar dhe integrues te vendit. Nderkohe qe tha se ai vetem do te avancoje me ofertat qe zgjidhin problemet. "Kryeministri Sali Berisha eshte kreu i mazhorances dhe drejtues i partise me te madhe. Keshtu qe une vleresoj se ai po e ben mire detyren e tij dhe po kryen mire axhenden e perfaqesimit te vendit dhe ne marredheniet me partneret nderkombetare. Kryeministri ka treguar ne mjaft raste se nuk eshte politikan i rekordeve te pjesshme. Une nuk e marr kryeministrin ne menyre kaq te pjesshme sa deklaratat e tij te dites. Une mund te bej vetem avanca, jo kerkesa per terheqje me kryeministrin", - u shpreh Nano. Ndersa duke dhene detaje per takimin me diplomatin e SHBA-ve, ish-lideri socialist tha se "Ambasadori Arvizu me dha kenaqesine qe natyrshem te jete pjese e bisedimeve qe kam nisur, kur perfaqesuesit e rendesishem te komunitetit nderkombetare jane pjese organike. Ndame qendrime dhe arsyetime te njejta dhe vleresuese per nevojen e nje klime politike me te frytshme qe te nxise dinamiken e reformave te integrimit ne Shqiperi, te ciles duhet t'i pershtatet dhe sfida e ardhshme presidenciale", - shtoi ish-lideri socialist. Ky eshte takimi i dyte qe ish-kryeministri Fatos Nano zhvillon brenda pak ditesh. Pas shpalljes te kandidatures se tij per president, ashtu sic edhe paralajmeroi, ai nisi turin e takimeve me kryetarin e LSI-se, Ilir Meta.