Nano e Arvizu bisedë për situatën politike dhe presidencën
24/02/2012 Ish-lideri socialist takohet me ambasadorin në lokalet pranë stadiumit “Selman Stërmasi”
Burime nga PD shprehen se Nano ka marrë dhe mbështetjen e Berishës për ambicion e tij
Ambasadori amerikan Aleksadnër Arvizu është takuar dje me ish-liderin socialist Fatos Nano në një nga restorantet e kryeqytetit në afërsi të stadiumit “Selman Stërmasi”, takim i cili ka zgjatur për më shumë se dy orë. Takimi ishte planifikuar të mbahej dy ditë më parë, më datën 21 shkurt, por u shty për shkak të angazhimeve të ambasadorit pas ngjarjes që ndodhi me trupat tona në Afganistan. Duhet theksuar se në vendin e takimit prania e medieve ishte e madhe dhe me sa shihet dikush nga stafi i Nanos është kujdesur që takimi të jetë në qendër të vëmendjes. Bashkëbiseduesit iu shmangën deklaratave pas takimit, por mendohet se aktualiteti politik si dhe zgjedhja e presidentit të ardhshëm, që Nano ka shfaqur haptazi ambiciet për këtë post, ka qenë temë kryesore e diskutimit. Në fakt, më parë ka qenë vetë ambasadori Arvizu që ka shprehur hapur konsideratat për figurën e Fatos Nanos, duke mbështetur indirekt dhe ambicien e tij për president.
Mbështetja e PD-së
Kandiatura e Nanos nuk mbështetet vetëm nga ambasadori Arvizu, por dhe nga vetë Partia Demokratike. Negociatat kanë filluar dhe në krye të tyre është vetë kreu i grupit parlamentar Astrit Patozi. Ky i fundit nuk ka pranuar të flasë për këtë çështje, por burime pranë PD-së shprehen se një takim tjetër është zhvilluar vetëm para pak ditësh, ku sipas të njëjtave burime Nano ka marrë përkrahjen e PD-së për presidencën e ardhshme, me kusht që propozimi të jetë nga 20 deputetë që i përkasin kryesisht forcave politike të majta. Natyrisht që shumës totale të propozuesve i bashkëngjiten dhe votat e LSI-së, Shpëtim Idrizit, Kastriot Islamit apo dhe Vangjel Dules, kështu që Nanos i duhen vetëm 12 deputetë për të bërë realitet ambicien që ai ka kohë që e ka shfaqur. Më tej votat e mazhorancës ia garanton një marrëveshje e ardhshme me Berishën, i cili, me sa duket, i duhet të heqë dorë nga kandidatura e Topallit, e cila në këto kushte ku ndodhen marrëdhëniet pozitë-opozitë s’do bënte gjë tjetër vetëm se do acaronte më tej situatën.
Mimi Kodheli
Përpara dy ditësh deputetja e Partisë Socialiste Mimi Kodheli e la të hapur mundësinë e pranimit të kandidaturës së Fatos Nanos për kreun e shtetit, kandidaturë që deri dje ishte temë tabu në ambientet e së majtës. Pyetjes së gazetarit në lidhje me këtë çështje Kodheli iu përgjigj: “Pse jo? Nano është një figurë me kontribute tek e majta.” Por duke parë ecurinë e Partisë Socialiste, duhet theksuar se janë të shumtë deputetët që mendojnë si Kodheli dhe që mund t’i bashkëngjiten aksionit për të pasur ish-shefin e tyre në krye të shtetit shqiptar.
Heshtja e Ramës
I vetmi që s’ka shprehur një mendim të qartë në lidhje me kandidaturën e Nanos për president ka qenë vetëm lideri aktual i opozitës Edi Rama. Në fakt, gjatë një interviste ai nuk e ka mohuar, por as nuk e ka pohuar një fakt të tillë, duke dhënë një përgjigje evazive. Ndoshta Rama i druhet një ardhjeje të Nanos në krye të shtetit, pasi pozita mund të jetë e favorshme për t’i bërë ndonjë çarje tjetër brenda partisë. Gjithsesi, gjasat që Nano të marrë Presidencën janë të shumta, pavarësisht qëndrimit të Ramës.
Burime nga PD shprehen se Nano ka marrë dhe mbështetjen e Berishës për ambicion e tij
Ambasadori amerikan Aleksadnër Arvizu është takuar dje me ish-liderin socialist Fatos Nano në një nga restorantet e kryeqytetit në afërsi të stadiumit “Selman Stërmasi”, takim i cili ka zgjatur për më shumë se dy orë. Takimi ishte planifikuar të mbahej dy ditë më parë, më datën 21 shkurt, por u shty për shkak të angazhimeve të ambasadorit pas ngjarjes që ndodhi me trupat tona në Afganistan. Duhet theksuar se në vendin e takimit prania e medieve ishte e madhe dhe me sa shihet dikush nga stafi i Nanos është kujdesur që takimi të jetë në qendër të vëmendjes. Bashkëbiseduesit iu shmangën deklaratave pas takimit, por mendohet se aktualiteti politik si dhe zgjedhja e presidentit të ardhshëm, që Nano ka shfaqur haptazi ambiciet për këtë post, ka qenë temë kryesore e diskutimit. Në fakt, më parë ka qenë vetë ambasadori Arvizu që ka shprehur hapur konsideratat për figurën e Fatos Nanos, duke mbështetur indirekt dhe ambicien e tij për president.
Mbështetja e PD-së
Kandiatura e Nanos nuk mbështetet vetëm nga ambasadori Arvizu, por dhe nga vetë Partia Demokratike. Negociatat kanë filluar dhe në krye të tyre është vetë kreu i grupit parlamentar Astrit Patozi. Ky i fundit nuk ka pranuar të flasë për këtë çështje, por burime pranë PD-së shprehen se një takim tjetër është zhvilluar vetëm para pak ditësh, ku sipas të njëjtave burime Nano ka marrë përkrahjen e PD-së për presidencën e ardhshme, me kusht që propozimi të jetë nga 20 deputetë që i përkasin kryesisht forcave politike të majta. Natyrisht që shumës totale të propozuesve i bashkëngjiten dhe votat e LSI-së, Shpëtim Idrizit, Kastriot Islamit apo dhe Vangjel Dules, kështu që Nanos i duhen vetëm 12 deputetë për të bërë realitet ambicien që ai ka kohë që e ka shfaqur. Më tej votat e mazhorancës ia garanton një marrëveshje e ardhshme me Berishën, i cili, me sa duket, i duhet të heqë dorë nga kandidatura e Topallit, e cila në këto kushte ku ndodhen marrëdhëniet pozitë-opozitë s’do bënte gjë tjetër vetëm se do acaronte më tej situatën.
Mimi Kodheli
Përpara dy ditësh deputetja e Partisë Socialiste Mimi Kodheli e la të hapur mundësinë e pranimit të kandidaturës së Fatos Nanos për kreun e shtetit, kandidaturë që deri dje ishte temë tabu në ambientet e së majtës. Pyetjes së gazetarit në lidhje me këtë çështje Kodheli iu përgjigj: “Pse jo? Nano është një figurë me kontribute tek e majta.” Por duke parë ecurinë e Partisë Socialiste, duhet theksuar se janë të shumtë deputetët që mendojnë si Kodheli dhe që mund t’i bashkëngjiten aksionit për të pasur ish-shefin e tyre në krye të shtetit shqiptar.
Heshtja e Ramës
I vetmi që s’ka shprehur një mendim të qartë në lidhje me kandidaturën e Nanos për president ka qenë vetëm lideri aktual i opozitës Edi Rama. Në fakt, gjatë një interviste ai nuk e ka mohuar, por as nuk e ka pohuar një fakt të tillë, duke dhënë një përgjigje evazive. Ndoshta Rama i druhet një ardhjeje të Nanos në krye të shtetit, pasi pozita mund të jetë e favorshme për t’i bërë ndonjë çarje tjetër brenda partisë. Gjithsesi, gjasat që Nano të marrë Presidencën janë të shumta, pavarësisht qëndrimit të Ramës.