Natalie Portman, muza e Goya

02/05/2005  Me të përfunduar së qeni vajza sensuale Alice në filmin "Closer", Natalie Portman është shndërruar në Alicia, muza e re piktorit Francisco Goya në "Fantazmat e Goya" të Milos Forman. Ende nuk dihet kush do të interpretojë Goya. Përflitet shumë se në këtë film do të jetë Javier Bardem, që aktualisht është i zënë në interpretimin e filmit "Të vrasësh Pablon", në rolin e terroristit kolumbian Pablo Escobar. Regjisori Forman rikthehet kështu për të realizuar një tjetër film pas atij të shumëvlerësuar me çmime Oscar "Amadeus" në vitin 1984 dhe "Valmont" më 1989. Skenari i filmit të tij të ri, që do të jetë një bashkëpunim me Jean-Claude Carriere, "Fantazmat e Goya" do të vendoset në Spanjën e vitit 1792, në periudhën më të suksesshme të artistit. Filmi do të tregojë skandalin në të cilin përfshihet muza e tij Alicia, e akuzuar për herezi nga një prift i Inkuizicionit spanjoll. Bardem do të interpretojë rolin e priftit, ndërsa Portman do të ketë një dol të dyfishtë, atë të Alicias dhe nënës së saj. Me këtë film të gjithë kritikët janë të bindur se Portman do të ecë e sigurtë drejt suksesit. Vetëm 24 vjeç aktorja ka kandiduar disa herë për Oscar dhe ka fituar “Golden Globe” si aktorja më e mirë joprotagoniste për "Closer". Por impenjimet e aktores izraeliane nuk mbarojnë këtu. Ajo gjithashtu po përgatitet për filmin tjetër të regjisorit Richard Linklater, "The Smoker", ku do të luajë në krah të Owen Wilson.