Ndalet Tirana, asnjë nga ndjekëset nuk përfiton
Java e gjashtë e Kategorisë Superiore nuk ka sjellë asnjë risi në krye të renditjes, teksa favoritet për titullin janë ndalur në barazime. Është mbyllur në barazim pa gola përballja e djeshme në Ballsh mes Bylisit dhe Tiranës. Për ekipin ballshiot, ky i djeshmi mund të konsiderohet si rezultati i dytë pozitiv në këto gjashtë javë të para të kampionatit. Ndonëse kanë siguruar vetëm një pikë, barazimi i djeshëm përballë Tiranës kryesuese dhe pretendente kryesore për titull, ka vlerë shumë të madhe për ekipin e Bylisit.
Dinamo-Vllaznia 1-1
Skuadra kampione e Dinamos nuk ka mundur të shkojë më tepër sesa barazimi 1-1 në takimin e sotëm ndaj Vllaznisë, në stadiumin ‘Selman Stërmasi’. Blutë kanë kaluar në avantazh që në minutën 15-të, falë autogolit të Smajlit. Avantazhi ka bërë që loja të jetë më e bukur dhe më e hapur nga të dyja ekipet. Dinamo ka pasur dy raste të tjera në pjesën e pare me anë të Plakut dhe Petriçeviç, por nuk ka mundur t’i shfrytëzojë. Në pjesën e dytë, Vllaznia ka hyrë më e vendosur në fushën e lojës, duke shënuar që në minutën e 59-të me anë të Paulin Dhëmbit. Barazimi 1-1 ka qenë dhe rezultati final, që nuk kënaq asnjë prej ekipeve.
Flamurtari-Partizani 1-0
Partizani pësoi me Flamurtarin (1-0) në Vlorë humbjen e dytë radhazi dhe të katërtën sezonale, në një ndeshje që skuadra e Hasan Likës e mbylli me nëntë lojtarë pas ndëshkimit me karton të kuq të mbrojtësve Fation Tafaj (83) e Luan Pinari (87’). Golin e vetëm të takimit për formacionin kuqezi të drejtuar nga Sllavko Kovaçiç e realizoi kroati Mate Brajkoviç.
Besa-Elbasani 1-0
Besa më në fund pas katër ndeshjesh të zhvilluara në shtëpi arriti fitoren e parë. Dhe këtë e arriti ndaj ish-skuadrës me të cilën fitoi titullin e parë kampion, Elbasanit, edhe pse me rezultatin e ngushtë 1-0. Mbrojtësi i Elbasanit, Endri Vrapi pengoi sulmuesin e Besës, Gerhard Progri brenda zonës, e gjyqtari nuk u mendua dy herë për të dhënë penallti. Kapiteni Kuli realizoi me një gjuajtje të lehtë, duke mposhtur portierin verdheblu Osmani.
deklaruan
Hysen Dedja (Trajneri i Bylisit)
“Skuadra jonë e tregoi edhe në takimin e Shkodrës që di të reagojë. Me një kundërshtar si Tirana, arritja e këtij rezultati them se ndikon pozitivist edhe në ndryshimin e mentalitetit. Megjithatë, mbetet edhe shumë punë për të bërë dhe ka vend akoma për shumë përmirësime të mëtejshme”.
Blaze Slishkoviç (Trajneri i Tiranës)
“Nuk jam i kënaqur as me rezultatin, as me lojën e zhvilluar nga skuadra. Erdhëm këtu me një synim të qartë: ta fitonim këtë ndeshje. Hasëm në një kundërshtar që u mbrojt mirë dhe na e vështirësoi objektivin tonë. Ne pritëm momentin e duhur për të goditur, por ata nuk na lejuan hapësira”.
S.Kovaçiç (Trajneri i Flamurtarit)
“Kur lojtarët luajnë me dëshirë dhe grintë ia dalin mbanë. Kjo dëshmon se drejtuesit e Flamurtarit shpeshherë duhet t’i nxitin lojtarët edhe duke u tërhequr veshin atyre. Mosha shumë e re e lojtarëve është një problem jo i vogël, pasi ekipit i mungon eksperienca dhe qetësia”.
Hasan Lika (Trajneri i Partizanit)
“Partizani po kërkon të reagojë për t’u ngjitur në klasifikim, por ky nuk ishte takimi i përshtatshëm, pasi Flamurtari mbetet një skuadër që nuk mund të kalohet lehtësisht. Pak pretendime për 11-metrëshin, më tepër kam rezerva për aksionin nga i cili erdhi goli vlonjat, pasi loja duhej ndaluar për një faull në dëm të një sulmuesi të Partizanit. Mund merrnim dhe një barazim në Vlorë”.
Zlatko Daliç (Trajneri i Dinamos)
“Të dyja skuadrat kanë zhvilluar një lojë shumë të mirë. Shanset për ta fituar ndeshjen i ka pasur si Dinamo, edhe Vllaznia. Ishim në avantazh 1-0, por nuk ditëm ta ruajmë. Tashmë kjo ndeshje është një kapitull i mbyllur, ne do të vazhdojmë të përgatitemi për derbin me Tiranën”.
Agim Canaj (Trajneri i Vllaznisë)
“Mendoj se, gjë që e keni parë edhe vetë, ajo që doli e humbur nga 90 minutat e lojës të zhvilluara në stadiumin ‘Selman Stërmasi’ ishte Vllaznia. Pjesa e dytë ishte shumë herë më e mirë për ne, sesa e para, prandaj ajo që duhet të dilte e fituar nga ndeshja duhej të ishte Vllaznia”.
Kategoria Superiore
Java e 6-të
Dje
Besa-Elbasani 1 - 0
Kuli 63’ (p)
Shkumbini-Lushnja 1 - 2
16’ Turdiu (p)/ Bubeqi 42’, Çela 73’ (p)
Dinamo-Vllaznia 1 - 1
15’ Smajli (aut)/ Dhëmbi 59’
Bylis-Tirana 0 - 0
Flamurtari-Partizani 1 - 0
31’ Brajkoviç (p)
Të premten
Teuta - Apolonia 2 - 1
13’ Hysa, 34’ Jakupi /73’ Berkiç
Renditja
Ekipi N F B H Gol P
1. Tirana 6 4 2 0 8-2 14
2. Vllaznia 6 3 2 1 7-4 11
3. Shkumbini 6 3 1 2 9-7 10
4. Dinamo 6 2 4 0 6-3 10
5. Flamurtari 6 3 0 3 5-6 9
6. Elbasani 6 2 3 1 3-4 9
7. Besa 6 2 2 2 5-5 8
8. Apolonia 6 2 1 3 5-7 7
9. Teuta 6 1 3 2 3-4 6
10.Lushnja 6 2 0 4 5-8 6
11.Partizani 6 1 1 4 3-6 4
12.Bylis 6 1 1 4 4-9 4
KATEGORIA E PARE
Java e 5-të
Të shtunën (04.10.2008)
Naftëtari-Besëlidhja 3-1
Turbina-Luftëtari 1-1
Pogradeci-Bilisht Sport 0-0
Gramozi-Burreli 2-0
Skënderbeu-Laçi 2-0
Tërbuni-Skrapari 2-0
Të dielën (05.10.2008)
Dajti-Kastrioti
Sopoti-Ada
Renditja
Ekipet Nd F B H Gol P
1. SKËNDERBEU 5 5 0 0 10-3 15
2. GRAMOZI 5 3 1 1 6-3 10
3. LUFTËTARI 5 3 1 1 9-5 10
4. KASTRIOTI 4 3 0 1 8-3 9
5. BURRELI 5 2 1 2 7-4 7
6. TURBINA 5 2 1 2 6-5 7
7. TËRBUNI 5 2 1 2 3-2 7
8. NAFTËTARI 5 2 1 2 7-7 7
9. DAJTI 4 2 1 1 2-3 7
10.LAÇI 5 2 1 2 5-6 7
11.BESËLIDHJA 5 2 1 2 6-7 7
12.ADA 4 1 1 2 4-8 4
13.POGRADEC I5 1 1 3 5-9 4
14.SOPOTI 4 1 0 3 2-4 3
15.SKRAPARI 5 0 2 3 3-8 2
16.BILISHTI S. 5 0 1 4 0-5 1