"Ndertimet pa leje, problem"

Deputeti socialist, Flamur Hoxha kerkoi dje nderhyrjen e Kuvendit tek ekzekutivi, qe nepermjet akteve ligjore te frenoje ndertimet pa leje dhe ato me cilesi te dobet. "Kudo ndertohet, veprim i cili nese eshte brenda rregullave do duhej te vleresohej, por nje makuteri ndertimesh, nga kushdo qe mundet te siguroje nje licence, ne shume raste po komprometon rende cilesine e ndertimeve, shpesh me pasoja edhe ne kurriz te qytetareve", tha Hoxha. Sipas tij, duhet te rishikohen dhe rivleresohen periodikisht personat apo subjektet qe kane marre nje te drejte te tille, duke saktesuar kriteret e dhenies se licensave dhe abuzimet qe vihen re ne kete drejtim. Ai u shpreh se po shkelen kriteret e ndertimit, nderhyhet ne banesa privatisht dhe pa asnje miratim teknik, apo leje te organeve kompetente.