Ndertimoret prishin objekte pa leje ne bregdet

Fadromat e Policise ndertimore kane prishur nje prej lokaleve qe ndodhet prane Ujit te Ftohte ne qytetin e Vlores. Ne dokumentacionin e ndertimoreve rezulton se ky objekt eshte pa leje, nderkohe qe pronari pretendon te kunderten. "Bashkia qe ne muajin maj te ketij viti ka cuar njoftimin per prishje te objektit ne fjale, qe figuron pa leje nga ana e vendoreve. Njoftimi i dorezuar ne maj te ketij viti eshte i firmosur nga shefi i ndertimoreve prane bashkise se Vlores. Zbatimi i vendimit te sotem eshte bere nga inspektorati ndertimor" kane pohuar drejtuesit e ketij institucioni. Por pronari i objektit, Petref Hasanaj pohon se prishja e objektit eshte bere pa asnje lloj paralajmerimi. "Vetem diten e hene jane njoftuar kamerieret e lokalit se do te nderhyhej per prishje te objektit. Ka qene ora 17.30 dhe une kam qene me pushime. Erdha per gjithe naten, por serish nuk bera dot gje, pasi ata nderhyne ne poren 08.00 te mengjesit. Nuk na lane as kohe te hiqnin pajisjet e lokalit, por e prishen me c'kishte brenda" ka pohuar per gazeten, Petref Hasanaj pronar i lokalit. Sipas ketij te fundit toka ne te cilen eshte ndertuar ky objekt eshte perfituar nga ligji 7501. "Pronen e kam fituar ne baze te ligjit 7501 dhe per me teper ne momentin e ndertimit te objektit, pas vitit 1997, kam plotesuar te gjitha dokumentacionet, me lejet perkatese nga institucionet" nenvizon Hasanaj. Pavaresisht ketyre pretendimeve, ndertimoret kane zbatuar vendimin e dhene nga Policia ndertimore ndersa gjate ketyre diteve ne Vlore do te vijojne aksionet per prishjen e objekteve pa leje, kryesisht ne zonen e bregdetit te Orikumit e Radhimes. Shtatori do te jete muaji i zbatimit te shumices se vendimeve ne fjale.