Ndërtuesit: Qeveria borxhlie ndaj nesh
Ndërtuesit i rikthehen edhe njëherë çështjes ende te pazgjidhur te borxhit qe qeveria i ka kompanive. Ndonëse zyrtarisht qeveria ka deklaruar se i ka shlyer detyrimet e prapambetura ndaj kompanive ndërtuese, këto te fundit flasin për një shumë gjithnjë ne rritje, qe ka arritur 10 miliard leke. Gjate një konference për shtyp, drejtori i kësaj shoqate ka denoncuar faktin se ne buxhetin e vitit 2011 nuk është parashikuar asnjë fond për shlyerjen e borxheve. Ndërtuesit njëkohësisht kërkojnë qe t'i jepet fund praktikave, ku tenderi hapet me një milion leke dhe me pas është vete kompania, e cila detyrohet te gjeje fondet për te vijuar punimet. Ky fakt i ka vene ne vështirësi marrëdhëniet mes kompanive te ndërtimit dhe bankave qe i kane kredituar. Ne rast qeveria do te vijoje te qëndrojë indiferente dhe vetëm do te premtoje për zgjidhje te situatës, ndërtuesit kërcënojnë se do te pezullojnë punën.
Shpërndaje