Ndihmojeni Albaceten

Ylli i Barcelonës, Andres Iniesta u ka bërë thirrje njerëzve të investojnë para për të ndihmuar klubin e tij të fëmijërisë Albacete nga shuarja.

Iniesta, 28 vjeç, dhe familja e tij janë aksionarë kryesorë në skuadrën nga liga e tretë spanjolle që është aktualisht në krizë të thellë financiare. Nëpërmjet një letre të hapur, reprezentuesi spanjoll ka theksuar se është duke bërë çdo gjë në fuqinë e tij për të shpëtuar Albaceten.

“Me këtë letër dua t’u bërë thirrje të gjithëve që ndiejnë çfarëdo lidhshmërie me klubin, ta ndihmojnë atë në mënyrë që të shpëtojë”, shkroi Iniesta.