Në gjyq përdhunuesi i së bijës

Prokuroria mbyll hetimet për 58-vjeçarin
Ramadan Isufaj, i cili u arrestua për
përdhunimin e vajzës së tij përgjatë pesë
viteve. Dosja për të pandehurin është
dërguar në Gjykatën e Tiranës dhe Isufaj
akuzohet për marrëdhënie seksuale me të
mitur. Ndërkohë, burimet sqaruan se akuza
e marrëdhënieve seksuale në gjini është
rrëzuar për shkak se e bija është tërhequr
nga akuza me tentativën për ta lehtësuar
të atin. Hetuesit thanë se ka prova që fajësojnë
Ramadan Isufajn për përdhunimin e
së bijës që në moshën 13 vjeç deri 18 vjeç
dhe për këtë shkak ai akuzohet vetëm për
marrëdhënie me të mitura, ndërsa akuza
tjetër ajo e marrëdhënies në gjini është
rrezuar, pasi vetë viktima tashmë në moshë
madhore për shkak të infl uencës së
familjarëve ka deklaruar se kishte shkuar
me dëshirë.