Në pranga 3 persona, trafikonin një vajzë

 

GJIROKASTER - Pranga drejtuesve të një grupi kriminal, që merreshin me trafikimin e klandestinëve. Agim Korra 54 vjeç, Ilirjan Lamçe, 52 vjeç dhe Rajmond Spiro, 51 vjeç, të tre nga Tirana u arrestuan dje në Kakavijë, në tentativë të kalonin drejt Greqisë një shtetase kundrejt fitimit. Sipas policisë, Agim Korra u nis dje në mëngjes nga Tirana drejt Kakavijës me automjetin e tij me targa TR 6701 R, me tre anëtarë të një familjeje. Qëllimi i këtij udhëtimi ishte kalimi ilegal drejt Greqisë tek i fejuari i vajzës së çiftit Sara. Për këtë kalim Korra dhe shokët e tij do të përfitonin 2 mijë euro. Brenda pak minutave policia arriti të zbardhte mekanizmin e kalimit ilegal të kufirit të shtetases 18-vjeçare A.S. Vajza do të kalohej nga ana e Ilirjan Lamçes dhe Rajmond Spiros, të cilët kishin mbërritur në Kakavije disa orë më parë në pritje të ardhjes së shtetases që do të kalonin.              p.n