Në qytetin e Kukësit uji i pijshëm është i ndotur

Ditët e fundit, uji ka ardhur madje edhe i turbullt.  “Për kontrollin e situatës janë shtuar ndjeshëm analizat e ujit në të 15 pikat fundore të tij.  Nuk rezulton se ka ndotje bakteorologjike, ndërsa analizat fizike japin të qartë turbullimin e ujit të pijshëm”, thotë përgjegjësi i zyrës së higjienës në drejtorinë rajonale të shëndetësisë  Neritan Biba. Sipas tij, një situatë e tillë është pasojë e shkrirjes së shpejtë të dëborës  afër vendburimit në zonën e Kolosjanit, gjë që ka rritur infiltrimin  e ujit duke sjellë edhe turbullimin e tij.

Shqetësimi te konsumatorët është i madh, ndërsa  nga specialistët e shëndetësisë është kërkuar rritja e ndjeshme e hedhjes së klorit. “Aktualisht  hidhet 0,6 miligram klor për një litër ujë, nga 0,2 miligram klor për një litër ujë që ishte vetëm disa ditë më pare”, thotë Biba. /Start/
 

                                                                                             2012-03-25 09:55