Nëna e Klenti Banos e mëson ekstradimin nga SHBA-ja

Ajo nuk ka mundur ta gëzojë lajmin e ekstradimit të vrasësit të djalit të saj, Klenti Bano, oficer policie nga Shqipëria, por nga SHBA-ja. Prej pesë ditësh ajo nuk ndodhet në Shqipëri, por ka shkuar pranë djalit tjetër në Amerikë, bashkë me fëmijët e tij. Fqinjët e saj tregojnë se sapo kishin mësuar lajmin për ekstradimin e Bares, ishin kujtuar për plaken Kate Bano, e cila jetonte e vetme në katin e katërt të një pallati në rrugën "Don Bosko". Ajo jetonte pikërisht në pallatin ku rreth katër vite më parë u gjet i vrarë me eksploziv një person, që dyshohet se ishte anëtar i bandës dhe kishte shkuar për të vënë eksploziv në banesën e një prej drejtuesve të policisë. Madje, që në atë kohë, Kate Bano jetonte me frikë, që vihet re edhe nga fqinjët, të cilët frikësohen kur pyesin njerëzit për këtë grua.