Netaniau mund të pranojë "dy shtetet"

Ministri izraelit i Mbrojtjes tha dje se Kryeministri Beniamin Netaniau ishte i përgatitur të pranonte edhe një zgjidhje, që parashikonte krijimin e një shteti të pavarur palestinez. Ehud Barak e ka bërë këtë deklaratë vetëm një ditë përpara se Kryeministri izraelit të takohet në Shtëpinë e Bardhë me Presidentin amerikan Barak Obama. Deri tani Netaniau nuk ka treguar vullnet për të pranuar zgjidhjen "e dy shteteve", që parashikon krijimin e një shteti të pavarur palestinez.