Nga 1 janari, Tatimi mbi Fitimin ulet 50%

Bizneset qe i nenshtrohen Tatimit mbi Fitimin nuk do te paguajne me 20 per qind, sikunder eshte aplikuar deri me tani, por vetem 10 per qind. Biznesi i madh, duke filluar qe nga data 1 e ketij muaji, do te paguaje 50 per qind me pak si tatim mbi fitimin sipas nje ligji qe eshte miratuar ne kuader te orientimit te sistemit fiskal drejt nje takse te sheshte, qe ne korrik te vitit 2007. Ekspertet ne Ministrine e Financave e kane konsideruar reformen me e rendesishme fiskale te kesaj dekade. Sipas ministrit te Financave, Ridvan Bode, kjo mase fiskale parashikohet te kete impakt pozitiv ne ekonomine e vendit, pasi biznesi vendas do te inkurajohet te deklaroje shifra reale te bilanceve kontabel, dhe klima do te jete me atraktive per investimet, vecanerisht investimet e huaja direkt dhe indirekte. Po keshtu, qe nga dita e pare e vitit te ri nisi aplikimi i tatimit mbi xhiron mbi biznesin e vogel qe aktualisht eshte 1,5 per qind, me tatimin mbi te ardhurat personale 10%. Reformat ne sistemin fiskal po shkon drejt sheshimit te taksave. Targeti eshte 10 per qind. Me kete reforme, ekspertet synojne te balancojne sistemin tatimor shqiptar me ate rajonal dhe evropian dhe njekohesisht te konkurrojne nepermjet taksave dhe tatimeve, per te sjelle me shume investitore te huaj ne vendin tone. Taksa e sheshte 10 per qind per disa lloj tatimesh synon ta beje sistemin fiskal me te lehte per tatimoret gjate procesit te grumbullimit te taksave dhe po keshtu te lehtesoje biznesin per menyren se si do te perllogarise detyrimet qe do te paguaje per buxhetin. Ndersa tatimi mbi te ardhurat personale ne biznesin e vogel synon te mos qarkulloje me mallra pa dokumente, te mos vije e te marre mallra pa fatura. Ministria e Financave mendon se kjo menyre taksimi mbi biznesin e vogel do te ndihmojne me shume bashkite dhe komunat per grumbulluar taksat mbi biznesin e vogel.
Por nga ana tjeter, pergjysmimi i normes se tatim-fitimit pritet te shoqerohet me ulje te te ardhurave ne 2008. Te ardhurat nga tatimi mbi fitimin per vitin 2008 parashikohen ne rreth 14,4 miliarde leke nga rreth 22,900 miliarde leke te planifikuara ne buxhetin fillestar te vitit 2007, me nje ulje prej 8.5 miliarde leke, ose 37% te ketyre te ardhurave. Kjo ulje eshte pasoje, kryesisht, e vendosjes se takses se sheshte. Pergjysmimi i normes se tatim-fitimit pritet te kete nje impakt pozitiv gjate vitit 2008, sepse pritet te rritet baza e taksueshme. Biznesi vendas do te nxitet te deklaroje shifra reale te bilanceve kontabel dhe klima pritet te jete me atraktive per investimet.