Ngrihet pasuria e Sanaderit

Ish-kryeministrit të Kroacisë, Ivo Sanader, i cili që nga arrestimi i tij në dhjetor gjendet në paraburgim në Austri, i është ngrirë pasuria në vlerë prej 4 milionë euro, kanë njoftuar mediet kroate.

Sanaderit, sipas të dhënave të fundit, i është ngrirë pasuria në vlerë prej 3.94 milionë euro, njoftoi gazeta Jutarnji List.

Gazeta theksoi se zyra e Kroacisë për luftë kundër korrupsionit dhe kriminalitetit të organizuar edhe më tutje po zhvillon hetime, për të gjetur pasurinë tjetër të ish-kryeministrit, përfshirë këtu edhe atë nëpër xhirollogari bankare.

Që nga arrestimi i Sanaderit në Austri, shkruan më tutje gazeta, në Kroaci është ngrirë pasuria e tij në vlerë prej 19 milionë kuna kroate, ndërsa sipas të dhënave zyrtare, 10 milionë kuna tjera të Sanaderit janë zbuluar dhe ngrirë në Austri.