Nikolla: Berisha s'ka respekt per grate, ai eshte dhunuesi

Anetarja e Kryesise se PS, Lindita Nikolla tha dje ne nje deklarate per mediat se sjelljet e kryeministrit Sali Berisha, ndaj grave jane te padenja. Ne nje deklarate per mediat, Nikolla u shpreh se pas viktimave te Gerdecit, vrasjes se deputetit Fatmir Xhindi dhe kryetarit te komunes Remzi Veseli, kryeministrit veshi dhe kater gra te tjera me rroba te zeza. "Zija e vaji i nenave, motrave, grave e vajzave te Faikut, Ziverit, Aleksit e Hekuranit u shtohet tashme dhimbjes se hidhur te grave te Gerdecit, qe Saliu jo vetem u vrau familjen e u shkaterroi katandine, por i vrau se dyti duke iu mohuar drejtesine, per te mbrojtur Shkelzenin e Mediun. Ky zi i shtohet vajit e mortit te nenes se Fatmir Xhindit e Remzi Veselit",-tha dje Nikolla. Ajo u ndal edhe ne deklaratat e kryeministrit Sali Berisha per dhunen ndaj grave dhe akuzat ne Kuvend. "Saliu flet per dhunen ne familje e ben be e rrufe, se do te ndeshkoje rende ata qe guxojne te vene dore mbi grate. Por, a ka njeri ne kete vend qe i dhunon me shume grate sesa vete Sali Berisha, qe s'le gje pa thene per nenat e grate e kujtdo. Dhe nuk i thote keto ne rruge, por ne Parlament, ne mbledhje qeverie, ne mitingje. Ky eshte respekti yt per grate Sali, qe t'i shash e marresh ato neper goje sa here qe s'di me c'te thuash? Ku ndryshon ti Sali nga ai rrugaci i rendomte apo ai bashkeshorti kriminel, qe t'i do ta ndeshkosh me ligjet me te rrepta?", u shpreh dje Nikolla. Nga ana tjeter, anetarja e Kryesise se PS-se eshte ndalur ne situaten ekonomike dhe gjendjen e rende ne te cilen, sipas saj, jetojne grate shqiptare. "A ka turp me te madh te degjosh Sali Berishen si genjen pa piken e turpit per mrekulli ekonomike, kur ne grate e nenat e dime c'heqim per te siguruar nevojat baze te familjeve tona? Ku eshte Sali Berisha respekti yt per grate? Mos valle tek nenat e motrat qe i veshe me te zeza? Mos valle tek grate qe rropaten per te shtyre muajin, mes papunesise e fukarallekut? Apo mos valle tek sharjet e ofendimet banale qe i thua duke bertitur si i marre ne Kuvend e mbledhje qeverie?", tha dje anetarja e Kryesise se PS.