Nisi sot zbatimi i ndryshimeve në Kodin Rrugor – masa të ashpra për të gjithë shkelësit e rregullave të qarkullimit

Prej mëngjesit punonjësit e policisë rrugore kanë dalë në shërbim të instruktuar për zbatimin e gjobave të reja, të aplikuara për shkeljet që do të konstatohen nga drejtuesit e mjeteve.

Bëhet fjalë për rritjen gati në 3 fishim të gjobave minimale dhe dyfishim për gjobat maksimale, për shkeljet që rezultojnë të jenë shkaku kryesor i aksidenteve me pasojë jetën e qytetarëve. Në të gjitha akset rrugore të vendit, në autostrada dhe superstrada, policia rrugore ka ushtruar kontrolle të rrepta ndaj shkelësve të rregullave të qarkullimit rrugor. Megjithatë, shërbimi i kontrollit të autostradave, qëllimin kryesor të ngritjes së postbllokut në akset kryesore të vendit, më shumë se sa ndëshkimi me gjobat e reja, është njohja dhe sensibilizimi i tyre me ndryshimet e bëra në Kodin Rrugor.