“Nuk do ta lëmë Greqinë të rrëzohet”

Presidenti francez, Nikolas Sarkozi e bëri të qartë në deklaratën e të shtunës, se Parisi ishte i gatshëm për ta ndihmuar Athinën në qoftë se gjendja e saj financiare përkeqësohet më tej. “Në qoftë se kemi krijuar euron, ne nuk mund të lemë të rrëzohet një vend që është në zonën e euros. Përndryshe, nuk kishte asnjë kuptim krijimi i euros,” tha Sarkozi në një takim me fermerët. “Euro nuk ka kuptim nëse nuk ka solidaritet”, tha ai.