Nxirret nga varri arkivoli i Michael Jackonit

Arkivoli me trupin e Michael Jackonit është nxjerrë nga varri. Kështu njofton e përditshmja britanike "The Sun". Sipas gazetës familja e Majkëll Xhekson ka urdhëruar që arkivoli të lëvizet pasi adhuruesit filluan të mblidhen për të shikuar arkivolin. Sipas "The Sun" familja e të ndjerit, nuk është e kënaqur me këtë dhe ka urdhëruar që arkivoli të vendoset në bodrum për arsye sigurie duke e ngarkuar motrën e tij LaToya, për të bërë gjithçka që ta mbrojë atë. Ndërkohë, nuk reshtin publikimet në media për të ndjerin Majkëll Xhekson, duke nxjerrë sipas tyre, fakte që lidhen me jetën e tij private.
E përditshmja britanike "The Sun", në aperturën e sotme, publikon një libër të shkrimtarit Ian Halperin që aludon se këngëtari historik ka pasur dy dashnorë meshkuj.
Mbreti i popit u nda nga jeta në 25 qershor të 2009-ës nga një infarkt në zemër.