OKB, hapet sesioni i ri i Asamblesë së Përgjithshme

Presidenti i Shqipërisë Nishani mbajti fjalimin e tij një ditë më parë

Në dallim me Asamblenë e Përgjithshme të OKB-së të vitit 2011, ku në sfond ishte pranvera arabe,fjala kyç ishte “Shpresa”, por klima politike e këtij viti karakterizohet nga kontrastet, nga përçarjet që këtë herë janë shumë të dukshme. Më shumë se 120 liderë botërorë do të marrin fjalën në sallën e madhe të pallatit të qelqtë, në përpjekje për tu përballur me problemet nëpër botë e sidomos me pranverën arabe.  Sekretari i përgjithshëm i OKB-së Ban Ki Mun është shprehu se debati i këtij viti do të jetë shumë aktiv. Gjendja alarmante në Siri, zemërata në botën myslimane për shkak të filmit mbi profetin Muhamed, linja e kufirit ndërmjet lirisë së shprehjes dhe denigrimit të fesë, sfidat për demokracinë në vendte arabe, programi bërthamor i Iranit, do të jenë dhe temat kryesore që pritet të ndezin debate. Burime diplomatike shprehen se vërtet këto tema do të diskutohen por është vështirë të gjendet ndonjë zgjidhje. Presidenti i Shteteve të Bashkuara ët Amerikës Barak Obama, pritet të marrë fjalën vetëm 6 javë para zgjedhjeve presidenciale. Shtëpia e bardhë ka bërë të ditur se Obama do të fokusohet në manifestimet e dhunshme dhe ngjarjet tragjike në Libi, Siri dhe Iran. Një pritje e veçantë është dhe ajo për fjalën e kryeministrit izraelit Benjamin Netaniau, i cili do të flasë të enjten pas muajsh të tërë spekulimesh për një sulm të mundshëm ushtarak në qendrat bërthamore iraniane. Një hapësirë të rëndësishme do të zërë dhe çështja e reformimit të këshillit të Sigurisë.

Ahmedinexhad, sërish deklarata provokuese në lidhje me Izraelin: një detaj për t’u eleminuar

Vetëm një detaj në historinë e botës, dhe si i tillë do të eleminohet. Ky ka qenë përkufizimi i Izraelit nga ana e presidentit iranian Mahmud Ahmadinexhad, i cili ka fituar dhe vëmendjen mediatike në Asamblenë e përgjithshme të Organizatës së Kombeve të Bashkuara. Duke mos i kushtuar rëndësi apelit të Ban Ki Mun për të evituar deklaratat provokuese, presidenti iranian përsërit qëndrimin e tij armiqësor ndaj Izarelit të cilin më parë e kishte cilësuar si tumor. Por Ahmadinexhad ka prekur edhe temën e programit bërthamor duke thënë se ai i shtetit hebraik është një program i nëj regjimi të maskuar, dhe sipas tij këshilli i sigurisë ka zgjedhur heshtjen. Ndërkohë që Teheranit po përpiqet që ti bllokohet një përdorim paqësor i programit bërthamor. Fjalë këto që nuk kanë befasuar manifestuesit. Me dhjetëra të tillë, të cilët ende mbanin mend deklaratat e mëparshme të presidentit iranian për Holokaustin dhe 11 shtatorin, kanë rrethuar hotelin ku ai po qëndron dhe kanë kërkuar që të shpallet “persona non grata”.