OSBE-ODIHR publikon raportin e dyte paraprak per zgjedhet vendore
Ne Shqiperi misioni i vezhguesve te Osbe-Odihr publikoi sot raportin e dyte paraprak per zgjedhet e pushtetit vendor te 8 majit. Raporti i ben nje pershkrim te detajuar zhvillimeve qe perfshijne periudhen nga 12 deri me 25 prill.
Vezhguesit shprehen se te pakten kater afate kohore te percaktuara ne kodin zgjedhor nuk u respektuan duke permendur caktimin e qendrave te votimit perzgjedhjen e partive qe caktojne anetarin e trete dhe te katert te grupeve te numerimit te votave apo plotesimin me anetar te komisioneve te qendrave te votimit.
Ndersa trajton aktivitetin e Komisionit qendror te Zgjedhjeve raporti ve ne dukje se ne pergjithesi jane marre njezeri vendimet qe lidhen me pergatitjet administrative dhe teknike te zgjedhjeve por eshte votuar sipas tendencave partiake per ceshtjet e debatuara mes partise demokratike dhe asaj socialiste vecanerisht vendimet qe lidheshin me mediat qendrat e votimit dhe ceshtjen e fleteve te votimit.
Per rolin e Komisionit Qendror te Zgjedhjeve raporti flet edhe kur trajton ceshten e mediave. Bordi i Monitorimit vleresohet se tejkaloi kompetencat kur paralajmeroi mediat per ndalimin e dy reklamave te opozites. Vezhguesit vleresojne se edhe KQZ shkoi pertej kodit me vendimin e vet per shperndarjen e kohes se mbulimit elektoral mes subjeketeve dhe kandidateve perkates. Ky vendim sipas raportit u lejon partive politike te kene ndikim ne vendimet editoriale te medias private.
Raporti i vezhguesve nxjerr ne pah edhe nje fakt qe lidhet me qendrat e votimit ku numri i votuesve nuk duhet te jete me shume se 1000 mije. Por sipas raportit thuajse ne te gjitha bashkite ky kufi eshte shkelur e ka madj raste edhe te qendrave me 2000 mije votues sic jane tre te tilla ne Vlore. Nderkohe qe sipas raportit 40 perqind e votuesve nuk e kane kodin specifik te vendbanimit.
Ne vleresimin e fushates zgjedhore Vezhguesit shprehen se aktivitetet jane intensifikuar ne shumicen e zonave te vendit e se ka patur nje theksim te forte per ceshtjet vendore sidomos nga ana e Partise demokratike ndersa partia socialiste veren raporti e ka perqendruar kritiken edhe ndaj punes se qeverise e kryeministrit.
Ne raport permenden edhe incidentet qe kane shoqeruar fushaten apo edhe akuzat per trysni ndaj administrates shteterore dhe nxenesve per tu perfshire ne fushate. Misioni ka vleresuar te besueshme te pakten tre raste trysnie ndaj mesuesve per te marre pjese ne aktivitetet e fushates se partise demokratike ne Kames e Vlores nderkohe qe shprehet se nuk ka mundur te konfirmoje pretendimet e tjera.