OSBE mbeshtet PD-PS per reformen
Prezenca e OSBE-se ne vend pershendet ndryshimet kushtetuese per sistemin zgjedhor. Ambasadori i OSBE, Robert Bosch, mirepriti miratimin e ndryshimeve ne Kuvend, me shpresen se ato do t’i japin nje shtyse te metejshme perfundimit ne kohe te reformes zgjedhore. “Ky eshte nje hap i qarte dhe i sigurt drejt adresimit te rekomandimeve te bera ne vitin 2005 nga OSBE dhe ODIHR. Megjithate, ceshtje si administrimi i zgjedhjeve, ankimet dhe apelimet ne lidhje me rezultatin e zgjedhjeve, financimi i partive politike dhe pjesemarrja e grave mbeten ende per t’u adresuar”, tha Bosch. Sipas tij, keto ceshtje duhet te zgjidhen perfundimisht ne debatin qe do te zhvillohet per ndryshimin e Kodit Zgjedhor. Bosch nuk komentoi ndryshimet kushtetuese, qe nuk lidhen me reformen zgjedhore, por vuri ne dukje mungesen e kohes per debat te gjere politik mbi reformen zgjedhore.