OSSH, 76 % e aksioneve do të privatizohen
Qeveria ka miratuar dje se sa do të jetë madhësia e paketës së aksioneve të Operatorit të Sistemit të Shpërndarjes që do të privatizohen.
Sipas vendimit të qeverisë, gati 76 për qind e aksioneve të kësaj shoqërie do t'u ofrohen investitorëve strategjikë. Ndërkohë vetëm pak ditë më parë komisioni i Vlerësimit të Ofertave pranë Ministrisë së Energjetikës kualifikoi katër firmat që do të marrin pjesë në procesin e privatizimit të KESH-it. Konkretisht kompanitë EVN AG, ENERGIE STEIERMARK AG, CEZ a.s. dhe ENEL S.p.A. janë shoqëritë që do të garojnë në tenderin për privatizimin e Operatorit të Sistemit të Shpërndarjes. Mbyllja e procesit të privatizimit të këtij sektori është edhe një ndër premtimet e qeverisë demokrate. Qeveria ka planifikuar që privatizimi i këtij sektori të përfundojë brenda muajit shtator. Vetë drejtues të KESH-it e kanë cilësuar si shumë të rëndësishëm procesin e privatizimit të Operatorit të Sistemit të Shpërndarjes. Pak kohë më parë në një prononcim për mediat kreu i KESH-it, Gjergj Bojaxhi, ka theksuar se në procesin e privatizimit të këtij sektori do të merren vetëm ato kompani, që kanë eksperiencë dhe histori të mirë edhe në vendet ku ato operojnë.
Sipas vendimit të qeverisë, gati 76 për qind e aksioneve të kësaj shoqërie do t'u ofrohen investitorëve strategjikë. Ndërkohë vetëm pak ditë më parë komisioni i Vlerësimit të Ofertave pranë Ministrisë së Energjetikës kualifikoi katër firmat që do të marrin pjesë në procesin e privatizimit të KESH-it. Konkretisht kompanitë EVN AG, ENERGIE STEIERMARK AG, CEZ a.s. dhe ENEL S.p.A. janë shoqëritë që do të garojnë në tenderin për privatizimin e Operatorit të Sistemit të Shpërndarjes. Mbyllja e procesit të privatizimit të këtij sektori është edhe një ndër premtimet e qeverisë demokrate. Qeveria ka planifikuar që privatizimi i këtij sektori të përfundojë brenda muajit shtator. Vetë drejtues të KESH-it e kanë cilësuar si shumë të rëndësishëm procesin e privatizimit të Operatorit të Sistemit të Shpërndarjes. Pak kohë më parë në një prononcim për mediat kreu i KESH-it, Gjergj Bojaxhi, ka theksuar se në procesin e privatizimit të këtij sektori do të merren vetëm ato kompani, që kanë eksperiencë dhe histori të mirë edhe në vendet ku ato operojnë.