Obama-Putinit: Marrëdhëniet SHBA-Rusi mund të përmirësohen

Presidenti amerikan Barack Obama gjatë takimit me kryeministrin rus Vladimir Putin deklaroi se ata mund të mos jenë dakord për çdo çështje, por që të dy kishin një mundësi të shkëlqyer për t'i vendosur marrëdhëniet ruso-amerikane në baza më të fuqishme. Kryeministri Putin u shpreh se Rusia shpreson në marrëdhënie më të mira me Shtetet e Bashkuara të Amerikës gjatë administratës Obama. Lideri amerikan vlerësoi lart "punën e jashtëzakonshme të Putinit si president dhe tani si kryeministër i Rusisë".