Obama: Suksesi i demokracisë varet nga gazetaria e fuqishme

Uashington -Presidenti i Shteteve të Bashkuara, Barak Obama, në takimin vjetor me gazetarët që raportojnë nga Shtëpia e Bardhë, ka thënë se suksesi i demokracisë varet nga gazetaria e fuqishme. Obama ka theksuar se gazetaria aktualisht po kalon nëpër vështirësi të mëdha, duke vënë në pah se gazetarët çdo ditë po humbin vendet e tyre të punës.

Duke iu drejtuar rreth 2.500 gazetarëve, Obama ka theksuar se puna e tyre është ndihmesë për të gjithë, sepse, siç ka thënë ai, gazetarët kërkojnë përgjegjësi, duke i bërë zyrtarët e zgjedhur që të jenë përgjegjës për punën e tyre.