Saakashvili fton opozitën për bisedime direkte

Tbilisi -Presidenti gjeorgjian, Mikheil Saakashvili ka ftuar liderët e opozitës për zhvillimin e bisedimeve të drejtëpërdrejta nesër për gjetjen e një zgjidhjeje për krizën politike njëmujore që ka përfshirë ish-republikën sovjetike, bënë të ditur për agjencinë Reuters burime të qeverisë dhe opozitës.

Javën e kaluar, protestat njëmujore degjeneruan në përleshje të dhunshme mes policisë dhe demonstruesve që kërkojnë dorëheqjen e Saakashvilit, "për shkak të nivelit të demokracisë në vend dhe luftës së vitit të kaluar me Rusinë".