Obama gati raportin e "pastërtisë"

Presidenti i Shteteve të Bashkuara, Obama, po përgatitet që të
publikojë një raport të detajuar për lidhjet e ekipit të tij me skandalin
e guvernatorit të Ilinoisit, Rod Blagojeviç. Ai është akuzuar për
tentativë në shitjen e vendit të lënë bosh në Senat nga Obama. Në
raport do të argumentohet fakti që nuk ekziston asnjë lidhje mes
ndihmësve të Obamës dhe guvernatorit sa i përket postit. Ndërkohë
vetë Blagojeviç ka deklaruar se nuk e njeh veten fajtor për asnjë krim.
Në një deklaratë të fundit, ai është betuar që të luftojë të gjitha akuzat
false, sipas tij të ngritura nga kundërshtarë politikë.