Obama lancoi spotin e parë elektoral

Në spot gjithçka nis me fjalimin e tre viteve më parë në Chicago, menjëherë pasi ai u zgjodh si presidenti i parë me ngjyrë i Shteteve të Bashkuara.

“Nuk do ta harroj kurrë se kujt i përket kjo fitore, ju përket juve”, tha atë mbrëmje Obama, para qindra mijëra mbështetësve të mbledhur për ta dëgjuar.

Në të njëjtin fjalim, ai u shpreh gjithashtu se punët që e prisnin për tu bërë ishin të shumta.

Presidenti Obama ka regjistruar së fundmi një ngritje të popullaritetit të tij në sondazhe.

Një anketë e zhvilluar pak ditë më parë nga kompania "Ipsos", tregonte se 49 për qind e amerikanëve, dy pikë më shumë krahasuar me muajin tetor, vlerësojnë se Obama po bën një punë të mirë.

Ndërsa kuota e amerikanëve që nuk bien dakord me politikën e ndjekur nga shefi i Shtëpisë së Bardhë nuk ka lëvizur nga shifra prej 50 për qind.

I njëjti sondazh sugjeron se presidenti aktual i Shteteve të Bashkuara do të fitonte kundër të gjithë kandidatëve republikanë, me përjashtim të Mitt Romney, me të cilin po zhvillon një duel kokë më kokë.