Obama, letër falënderimi Biberajt

Presidenti i Shteteve të Bashkuara të Amerikës, Barak Obama, i ka dërguar një letër përshëndetëse zëvendëspresidentit të Asamblesë Parlamentare të Këshillit të Europës, deputetit të Partisë Demokratike, Aleksandër Biberaj, për pjesëmarrjen në ceremoninë e inaugurimit presidencial me datë 20 janar 2009 në Uashington D.C.
"Aleksandër, faleminderit që ishit pjesë e ceremonisë së inaugurimit më të hapur të historisë së SHBA-së. Siç Ne kemi filluar punën për të ribërë Amerikën, Ne duhet të mbështetemi në shpresa të përbashkëta që na mblodhën së bashku këtë javë. Unë mbështetem tek Ju për të mbajtur shpirtin e bashkëpunimit. Kombi amerikan përballet me shumë sfida, të cilat do t'i përballojë. Faleminderit për gjithçka keni bërë. Presidenti Barak Obama”, - shkruhet në letrën që Presidenti amerikan i ka dërguar Biberajt.

24 Janar 2009