Oketa: Sot leket ne sportele

Rozeta Rapushi
Banoret e Gerdecit do marrin sot ndihmen e shtetit per demin qe iu shkaktua nga shperthimi i depove nje jave me pare. Ne oren 10:00 te paradites, ne pese sportele te hapura ne Vore te Postes Shqiptare, te gjithe personat e prekur nga tragjedia dhe qe banesat e tyre jane shkaterruar, mund te terheqin fondin e shtetit i percaktuar 50000 leke per person. "Jane miratuar listat me emrat e familjareve qe do te perfitojne demshperblimin 50 mije leke per person, i cili mund te arrije deri ne 200 mije per familje", tha dje zv/kryeministri ne detyre, Gazmend Oketa. Nga ana tjeter, Shtabi i Emergjences Civile do te nxjerre po sot faturen e demit material qe shkaktoi shperthimi tragjik i fabrikes se cmontimit te municioneve ne Gerdec, me 15 mars per t'i hapur rruge demshperblimit per shkaterrimin e shkaktuar nga kjo tragjedi.
Shperblimi
Shefi i komisionit te emergjences, dhe ministri i dekretuar i Mbrojtjes, Oketa, garantoi se sot ne mbremje do te perfundoje vleresimi financiar i demeve qe nga perllogaritjet e deritanishme e tejkalon fondin prej 6 miliarde lekesh, qe u vu per kompensim. Nderkohe qe, pese grupet e punes prane Shtabit te Emergjences ne Vore po kryejne, sipas Oketes, vleresimet e fundit per demin material per cdo banese dhe biznes te shkaterruar nga shperthimi i fabrikes se cmontimeve. Banesat dhe bizneset qe kane pesuar deme nga shperthimi ne Gerdec do te kompensohen me cmimet e tregut. Drejtuesit e Agjencise se Legalizimeve, ALUIZNI, u shprehen dje se te gjitha objektet e shkaterruara qe kane qene shtepi banimi, do te ndertohen me nje cmim qe do te bazohet ne koston mesatare te ndertimit ne kryeqytet. Ndersa per strukturat e tjera kompensimi do te behet sipas cmimit te tregut nga Enti Kombetar i Banesave.
Vleresimi
Zv/kryeministri ne detyre, Oketa, informoi dje se jane 20 grupe pune qe po merren aktualisht per nxjerrjen e vleresimeve financiare. Sipas kostos mesatare te miratuar nga Keshilli i Ministrave masa e kompensimit per banesat e demtuara do te jete 25 mije leke per meter/2. Nga perllogaritjet paraprake, demshperblimi i te gjitha banesave qe deri me sot behet fjale per 1400 te tilla te shkaterruara, do t'i kushtoje shtetit me shume sec e kishte menduar. Sipas eksperteve, qe po vleresojne demin material, do te nevojiten me shume se 6 miliarde leke, sa eshte fondi qe eshte vene aktualisht ne dispozicion. Per kete arsye, qeverise do t'i duhet te preke fondet e buxhetit te shtetit per te perballuar demshperblimin material te familjeve ne Gerdec.
50000 do te perfitoje sot cdo banor i Gerdecit i prekur nga tragjedia e shperthimit te fabrikes se cmontimeve. Shperndarja do te nise ne 10:00 ne pese sportelet e hapura te Postes Shqiptare ne Vore.
25000 leke per m/2 eshte kosto mesatare e demshperblimit qe Keshilli i Ministrave ka percaktuar per banesat e shkaterruara. Sot do te perllogaritet e sakte fatura e demeve materiale ne Gerdec.
Oketa: Pergjegjesit do vihen para ligjit
Zv/kryeministri Gazmend Oketa tha dje se vetem pasi te marre zyrtarisht postin e ministrit te Mbrojtjes do te vleresoje reagimin e tij per ngjarjen e rende te Gerdecit dhe masat qe duhen marre. Numri dy i qeverise, tha dje se eshte heret per te folur nga ana e tij si minister i Mbrojtjes, duke qene se ende nuk eshte votuar ne Kuvend. Oketa theksoi se qeveria eshte plotesisht e angazhuar per te nxjerre para ligjit pergjegjesit e kesaj tragjedie, cilitdo qofshin ata. Nga ana tjeter, ai theksoi se po keshtu po merren te gjitha masat per demshperblimin e demeve materiale ekonomike qe tragjedia shkaktoi ne Gerdec. Sipas Oketes, te gjithe personat e prekur do te demshperblehen dhe po behet maksimumi ne perllogaritjen e demit si dhe nisjen e kompensimit.
Presidenti Bamir Topi dekretoi, dy dite me pare, ne oret e vona te mbremjes, Gazmed Oketen si ministrin e ri te Mbrojtjes, si dhe firmosi doreheqjen e ish-ministrit Fatmir Mediu. Por, Oketa aktualisht numri dy i qeverise, do te marre zyrtarisht postin e ministrit te Mbrojtjes vetem pas votimit ne Kuvend. Votim i cili pritet te realizohet ne seancen plenare te dites se enjte, me 27 mars. Pas pranimit nga kreu i shtetit eshte parlamenti, ai qe vendos emerimin e ministrit te ri.

SSSASS