Oliç kërcënon Bayernin

Sulmuesi kroat, Ivica Oliç ka shprehur pakënaqësinë e tij ndaj situatës aktuale në Bayern Munich dhe paralajmëroi se do të largohet nga klubi nëse gjërat nuk ndryshojnë.

32 vjeçari bëri paraqitje të rrallë këtë sezon duke u inkuadruar në minutën e 62-të të fitores 6-0 ndaj Inglstadit të mërkurën në Kupën e Gjermanisë.

“Gjithmonë shpresoj të luaj. Kam qenë i lënduar për një kohë të gjatë, por tani ndihem mirë. Nuk jam i lumtur të qëndroj në pankinë. Nëse nuk mund të luaj këtu, do të kërkoj të luaj diku tjetër”, tha Oliç për Goal.com.