Olldashi kerkon shkarkimin e Bordit te ERT-se
Blerina Hoxha
Cmimet e larta te telefonise celulare, duket se do te kthehen ne ndeshkim, jo per kompanite qe i ofrojne, por autoritetet shteterore. Ministria e Puneve Publike, Transportit dhe Telekomunikacionit ka ndermarre dje iniciativen ligjore per shkarkimin e bordit drejtues te Entit Rregullator te Telekomunikacioneve, institucionit qe mbikeqyr tregun dhe kontrollon tarifat. Procedura e shkarkimit nga detyra perfshin kryetarin dhe anetaret e Keshillit Drejtues te ERT, perkatesisht Hydajet Kopani, Anila Kacupi, Shyqyri Meka, Arjan Sinoimeri, me motivacionin per mos ushtrim pergjegjesie te ngarkuar me ligj, pa ndonje shkak te arsyeshem. Iniciativa erdhi si pasoje e neglizhences se rende te Keshillit Drejtues te Entit Rregullator gjate procedures se miratimit te metodologjise se rregullimit te tarifave te organizmave me fuqi te ndjeshme ne treg (OFNT) dhe mungeses se seriozitetit ne ushtrimin e detyres, njoftuan burimet zyrtare te dikasterit te Olldashit. Ministria e Puneve Publike, Transportit dhe Telekomunikacionit ka pergjegjesine ligjore te reagoje ndaj cdo fenomeni negativ, qe ndikon pa te drejte ne buxhetin e konsumatorit shqiptar te telefonise celulare, sqarojne te njejtat burime. “Per shkak te mosveprimit te Entit, rezulton, sipas statistikave zyrtare [Raporti i 4-te Observator i SEE (South Eastern Union) pergatitur nga Cullen International (30 nentor 2007)]; se Shqiperia ne fushen e telefonise celulare klasifikohet ne vendet me tarifat me te larta”, njoftohen ne relacionin e iniciatives ligjore te MPPTT-se. Bordi drejtues i ERT-se eshte institucion ne varesi te Kuvendit dhe anetaret e tij emerohen dhe shkarkohen nga Kuvendi i Shqiperise. Kushtet e tregut te telefonise celulare nuk kane ndryshuar dhe nuk pritet te ndryshojne te pakten ne nje periudhe afatmesme, te pakten per tarifat. Ky eshte parashikimi qe ka dhene Enti Rregullator i Telekomunikacioneve, pas nje analize per tregun e telefonise celulare, para pak kohesh. Sipas ERT, te ardhurat nga perdorimi me kontrate vazhdojne te jene me te lartat ne Evrope, te cilat vijne per shkak te nivelit te tarifave te larta ne kete lloj sherbimi.