Omer Stringa: Qeveria pa faturë financiare
Kritikat
Zgjidhja e çështjes së pronave konsiderohet nga Stringa si sfida kryesore e Berishës dhe qeverisë së tij, pasi aty është e varur ekonomia shqiptare. Stringa kërkoi kryerjen e një regjistrimi kombëtar të të gjitha pronave. Programi i qeverisë "Berisha" për katër vitet e ardhshme duket ambicioz, por suksesi i tij vihet në dyshim pasi i mungon fatura financiare. Ky është vlerësimi që jep anëtari i Kryesisë së Partisë Demokratike dhe ekonomisti Omer Stringa. Ai vëren se me gjithë këtë mangësi, drafti aktual e afron Shqipërinë me Bashkimin Europian. Zgjidhja përfundimtare e çështjes së pronësisë do të ishte suksesi i qeverisë "Berisha", pasi aty është e varur tërësisht ekonomia shqiptare, veçanërisht thithja e investimeve të huaja.
Programi i qeverisë
Në programin e qeverisë për vitin 2009-2013 është përcaktuar përsosja e sistemit dhe administrimi zgjedhor.
Një vend të veçantë zë reforma në drejtësi, si rendi dhe siguria publike e individuale. "Parandalimi dhe zbulimi i krimeve; fuqizimi i mëtejshëm i strukturave të rendit dhe sigurisë publike; vazhdimi i reformave në sistemin e drejtësisë si garanci për gëzimin e të drejtave dhe forcën e shtetit ligjor;
garantimi dhe zhvillimi i të drejtave themelore të individit; prona; liria e Informimit; harmonia fetare; të drejtat e minoriteteve; Shqipëria, partnere e rendit, sigurisë publike dhe drejtësisë europiane", janë pjesë përbërëse e programit të qeverisë "Berisha". Vazhdimi i reformave në administratën qendrore, synimi i një administrate të vogël dhe eficente është objektivi i qeverisë "Berisha" në katër vitet e ardhshme të mandatit të tij të dytë.
Lidhur me ekonominë, Kryeministri ka garantuar për një treg të hapur dhe funksional në standardet europiane. "Konsolidimi i modelit të taksës së sheshtë; vazhdimi i reformës fiskale; krijimi i lehtësirave dhe nxitësve të tjerë fiskalë;
administrimi efecient, transparent, i thjeshtë dhe i ndershëm i sistemit tatimor në shërbim të biznesit", ishin pjesë nga fjalimi i Kryeministrit Berisha gjatë leximit të programit në Kuvendin e Shqipërisë. Ndërkohë që investimet kanë një zë të veçantë në programin e qeverisë, çështja e pronave ngelet pothuajse e paprekur si fenomen. Vazhdimi i investimeve të integruara në rrjetin ndërlidhës, kombëtar, rajonal e vendor të transporteve pritet ta shndërrojë Shqipërinë në fuqi energjetike në Ballkan. Kryeministri ka lançuar nismën për investime publike dhe partneritetin publik privat në sistemin energjetik.
E.A.
Zgjidhja e çështjes së pronave konsiderohet nga Stringa si sfida kryesore e Berishës dhe qeverisë së tij, pasi aty është e varur ekonomia shqiptare. Stringa kërkoi kryerjen e një regjistrimi kombëtar të të gjitha pronave. Programi i qeverisë "Berisha" për katër vitet e ardhshme duket ambicioz, por suksesi i tij vihet në dyshim pasi i mungon fatura financiare. Ky është vlerësimi që jep anëtari i Kryesisë së Partisë Demokratike dhe ekonomisti Omer Stringa. Ai vëren se me gjithë këtë mangësi, drafti aktual e afron Shqipërinë me Bashkimin Europian. Zgjidhja përfundimtare e çështjes së pronësisë do të ishte suksesi i qeverisë "Berisha", pasi aty është e varur tërësisht ekonomia shqiptare, veçanërisht thithja e investimeve të huaja.
Programi i qeverisë
Në programin e qeverisë për vitin 2009-2013 është përcaktuar përsosja e sistemit dhe administrimi zgjedhor.
Një vend të veçantë zë reforma në drejtësi, si rendi dhe siguria publike e individuale. "Parandalimi dhe zbulimi i krimeve; fuqizimi i mëtejshëm i strukturave të rendit dhe sigurisë publike; vazhdimi i reformave në sistemin e drejtësisë si garanci për gëzimin e të drejtave dhe forcën e shtetit ligjor;
garantimi dhe zhvillimi i të drejtave themelore të individit; prona; liria e Informimit; harmonia fetare; të drejtat e minoriteteve; Shqipëria, partnere e rendit, sigurisë publike dhe drejtësisë europiane", janë pjesë përbërëse e programit të qeverisë "Berisha". Vazhdimi i reformave në administratën qendrore, synimi i një administrate të vogël dhe eficente është objektivi i qeverisë "Berisha" në katër vitet e ardhshme të mandatit të tij të dytë.
Lidhur me ekonominë, Kryeministri ka garantuar për një treg të hapur dhe funksional në standardet europiane. "Konsolidimi i modelit të taksës së sheshtë; vazhdimi i reformës fiskale; krijimi i lehtësirave dhe nxitësve të tjerë fiskalë;
administrimi efecient, transparent, i thjeshtë dhe i ndershëm i sistemit tatimor në shërbim të biznesit", ishin pjesë nga fjalimi i Kryeministrit Berisha gjatë leximit të programit në Kuvendin e Shqipërisë. Ndërkohë që investimet kanë një zë të veçantë në programin e qeverisë, çështja e pronave ngelet pothuajse e paprekur si fenomen. Vazhdimi i investimeve të integruara në rrjetin ndërlidhës, kombëtar, rajonal e vendor të transporteve pritet ta shndërrojë Shqipërinë në fuqi energjetike në Ballkan. Kryeministri ka lançuar nismën për investime publike dhe partneritetin publik privat në sistemin energjetik.
E.A.