Operacione të EULEX-it në Zubin Potok

Mëngjesin e së martës polica e EULEX-it e mbështetur nga trupat e KFOR-it kanë zhvilluar disa aksione kundër krimit të organizuar në Zubin Potok ku ka bastisur katër banesa dhe një biznes.

Operacionet kishin si cak persona që kanë kryer evazion fiskal, trafikim mallrash dhe shmangie të pagesave doganore.

Tre persona u arrestuan gjatë operacioneve të sotme për vepra penale të ndryshme nga ato për të cilat po kryheshin bastisjet.