Opozita: Nderhyj ne treg, blej drithera ne tregjet boterore

Rozeta Rapushi
Para ne dore per te gjithe rritjen e cmimeve. Me kete slogan, iu kunderpergjigj dje Kryeministri Sali Berisha akuzave te opozites per rritjen e cmimeve, ne vecanti atij te bukes. Ne interpelancen e improvizuar ne seancen e djeshme per cmimin e bukes, Berisha garantoi se qeveria do te marre persiper faturen e rritjes se cmimit te bukes per shtresat e varfra dhe pensionistet. “Aq sa do te rritet cmimi, aq do te kompensojme ne. Do kompensojme rritjen e bukes, miellit dhe te gjitha rritjet nje per nje nepermjet indeksimit se cmimeve”, garantoi Kryeministri. Berisha u zotua se situata do te zgjidhet, ose ashtu sic e quajti, shpartallohet brenda 10 diteve e per te varfrit e Shqiperise nuk do te kete rritje, por kompensim ne cdo qindarke. Deklarate qe eshte kundershtuar nga socialisti Malaj, per te cilin kompensimi 100% eshte i pamundur. Dhe per nenkryetarin e Grupit socialist, qe zhvilloi interpelancen, Erion Brace, fjalet e Kryeministrit jane te parealizueshme, e nuk i japin zgjidhje situates se rende ekonomike. “Nuk keni asnje plan per te dale nga kriza, as rezerva, as strategji. Nderkohe qe vetevrasjet nga varferia po shtohen”, akuzoi Brace. Sipas te dhenave te Kryeministrit Sali Berisha, vendi ka rezerva per 4,5 muaj, nder me te lartat ne historine e Shqiperise, sipas tij. Por jo ne drithera, por ne euro e flori. “Mund ta aktivizojme ne cdo kohe kete rezerve historike”, tha Berisha. “Epo nderhy ne treg, kur ke rezerva, kur ke kaq shume flori. Dil e bli drithera ne tregje boterore si homologet e tu. E injektoja tregut. Mos i mbaj rezervat e shtetit”, replikoi Brace. Debati degradoi deri ne ate pike, sa mes paleve nisen fyerjet e akuzat per mbrojtje te krimit, evazionit e mashtrimeve. Kryeministri i cilesoi akuzat e opozites, si propagande e avokati ndaj mashtrimit, fshehjes dhe evazionit. “I keni lot krokodili, keto fjale, se ndjeshmerine e kam une. Ne nuk do te sulmojme tregtaret, por spekulantet e tregut”, tha Kryeministri. “Po sillesh ne Kuvend si komunist qemoti. Ne e pranojme tregun, je ti ai qe nderhyn. Ti nuk mund te rimbursosh asgje, sepse ajo rritja 40% e bukes per shqiptaret eshte e jotja. Po pasuron qeverine e varferon popullin”, tha Brace. Ne menyre simbolike, nenkryetari socialist kishte sjelle ne Kuvend dhe nje buke misri, si dhe nje pako fara luledielli. Sipas Braces, buka e misrit eshte me e shitura sot ne treg, ngaqe kushton vetem 40 leke nga 100 qe eshte bere buka e grurit. Ai kerkoi nga Kryeministri te gjeje politika te menjehershme per daljen nga kriza e rritjes se cmimeve, e nga ana tjeter paralajmeroi Kryeministrin se do e padise ne Gjykate Kushtetuese, nese nuk do te indeksoje inflacionin, qe, sipas tij, nuk e ben prej dy vitesh.

Batutat ne Kuvend
Erion Brace: “Varferia po prek femijet dhe pensionistet. Buka e misrit qe kushton 40 leke eshte me e shitura, se e blejne ata qe nuk kane leke. Po keshtu edhe farat e lulediellit”.
Sali Berisha: “Keto i keni lot krokodili, se ndjeshmerine e kam une. S’po i sulmojme tregtaret, por spekulantet. Para ne dore, per te gjithe rritjen e cmimeve”.
Erion Brace: “Nuk kam ne shpi as qen, as mace. Kam nje femije, sic ke ti 3 mbesa. Per ta flasim. Nese do me fol per qen, thirr drejtorin e KESH se mban dy qen, jo nje. Duhet te kesh rezerva te shtetit, per situata emergjente. Po sillesh ne Kuvend si komunistet qemoti”.
Sali Berisha: “Po beni propagande. Po spekuloni ne menyre te paskrupullt. I nderuar, rezervat e shtetit jane 4,5 muaj, jane nder me te lartat. Po varet kujt i thua ti, rezerve. Harroni konceptet e sistemit te vjeter, rezerva jone eshte ne euro e flori, jo gozhda e patkonj. Opozita po ben avokatine e mashtrimit, fshehjes, kontrabandes, evazionit”.
Erion Brace: “Une nuk merrem me sjelljet e opinionet e padenja. Ti rri ne ajer, jo ne toke. Nderhy ne indeksimin e inflacionit, qe s’e ben prej dy vjetesh. Nese nuk e ben ne maj, do te padisim. Qeveria jote nuk eshte ne diete. Kryetarja jote ishte ajo qe vajti ne Kuvajt me motor”.
Jozefina Topalli
“Kryetarja ecen ne kembe, bicikleta, motore e makina. Por ndryshe nga ju, nuk ka hipur e nuk do te hipe asnjehere ne makinat e Aldo Bares”.

Propozimet per te dale nga “kriza bukes”
Erion Brace-PS:
Qeveria te nderhyje ne tatimet dhe taksat per grurin e miellin
Kryeministri te beje marreveshje me tregtaret
Te nderhyhet menjehere ne indeksimin e inflacionit, qe prej dy vjetesh nuk behet
Te rriten pagat dhe pensionet ne masen 5% se cmimet jane dyfishuar.
Nikollaq Neranxi-LSI:
Te behet diferencimi i TVSH-se per keto produkte
Te behet diferencimi i cmimit te energjise per prodhuesit e bukes
Te behet diferencimi i cmimit te naftes po per prodhuesit e bukes

Sistemi i ri
Deputetet e Kuvendit nuk jane pershtatur ende me teknologjine e re te sistemit te votimit dhe marrjes se fjales ne Kuvend. Madje, as Kryetarja e Kuvendit, Jozefina Topalli. Askush nuk e kuptoi sinjalin e ri per mbarimin e kohes se fjalimit te deputetit ne fillim te seances se djeshme. “Ua nuk e mora vesh qe mbaroi koha. Thashe cfare eshte kjo zhurme”, tha Kryetarja Topalli kur ne salle vazhdimisht binte nje sinjal, jo shume i forte. Ndersa Kryeministri Sali Berisha akuzoi opoziten se inauguroi sistemin e ri elektronik me dezinformim.

Kompensimi
Kryeministri Sali Berisha garantoi dje se te gjithe ato familje, shtepite dhe toka e te cileve preken nga ndertimi i rruges Transballkanike te Vlores nuk do te shpronesohen pa u paguar me pare. Premtimi i kreut te qeverise u be pas ankesave te ngritura ne Kuvend per kete zone, nga deputeti demokrat, Bujar Leskaj. Berisha foli dhe per cmime te tjera per kete zone, duke u shprehur se fillimisht u be nje gabim njerezor me to.