Opozita kritika dialogut

Në selinë e Bashkimit Evropian në Bruksel, delegacionet nga Kosova dhe Serbia pritet që të mërkurën të vazhdojnë raundin e tetë të bisedimeve teknike.

Përfaqësues të partive politike opozitare vazhdojnë të kritikojnë ketë dialog, duke thënë se Kosova nuk është dashur të hyjë në bisedime, pasi Serbia asnjëherë nuk i zbaton marrëveshjet e arritura.

Që nga fillimi i këtij procesi janë arritur disa marrëveshje si ato për pranimin e vulave doganore, qarkullimin e lirë, librat e amzës, marrëveshja për librat e kadastrës, si dhe së fundmi marrëveshja për njohjen e diplomave universitare.

Deri më tani, asnjë nga marrëveshjet, veç asaj për tregti të lirë, nuk është zbatuar nga pala serbe. Për më tepër, pala serbe, zbatimin e marrëveshjeve ka kërkuar ta diskutojë disa herë në takime.

Një çështje të tillë, analistët politikë e konsiderojnë si të papranueshme, madje si një lëshim nga pala kosovare.

Analisti Imer Mushkolaj thotë për radion Evropa e Lirë, se kur një marrëveshje arrihet, ajo duhet të zbatohet, e jo sërish të diskutohet për mënyrën e zbatimit.

“Në anën tjetër, ka munguar një presion nga ana e BE-së që të fillojë zbatimi i marrëveshjeve të arritura, nëse ato vërtet janë arritur”, thotë Mushkolaj.

Skënder Hyseni, ish-ministër i Jashtëm i Kosovës, aktualisht deputet në Kuvend nga Lidhja Demokratike e Kosovës, thotë se marrëveshjet e arritura në dialogun e deritanishëm nuk kanë qenë marrëveshje.

Sipas tij, këtë e dëshmon fakti që ato marrëveshje po diskutohen vazhdimisht në takimet e delegacioneve.
Të arrish marrëveshje për zbatimin e marrëveshjeve është absurd i llojit të vet.

“Të arrish marrëveshje për zbatimin e marrëveshjeve është absurd i llojit të vet dhe është i paprecedentë në historinë e negociatave ose të bisedimeve. Kjo e dëshmon edhe një herë shkallën e ulët të seriozitetit të këtyre të të ashtuquajturave bisedime, sepse janë krejtësisht koti”, shprehet Hyseni.

Nënkryetari i Aleancës për Ardhmërinë e Kosovës, Ahmet Isufi, deklaron se diskutimi për zbatimin e marrëveshjeve të arritura, është një lojë e Serbisë, e cila “po tenton të përfitojë në kohë”.

“Kjo është një lojë që Serbia po e vazhdon. Bashkësia ndërkombëtare duhet të ndërmarrë masa ndaj Serbisë që t’i ndërpresë këto bisedime, se qëllimi është të blejë kohë dhe të angazhohet tani – kur edhe është afati për integrim në Bashkimin Evropian”, thotë Isufi.

Raundi i fundit i bisedimeve Kosovë-Serbi është mbajtur javën e kaluar, ku është arritur vetëm një marrëveshje - ajo për njohjen e diplomave universitare.

Facebook
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga Kosova Loklir: Dhuna e papranueshme
Dhuna e serbëve ndaj ushtarëve të KFOR-it, në Jagenicë, ka bërë që në Kosovë të vijë komandanti i Komandës së Forcave të Përbashkëta në Napoli, admirali Samuel Loklir, i cili përçoi mesazhin se dhuna është e papranueshme dhe se KFOR-i rezervon të drejtën që t’i mbrojë me të gjitha masat ushtarët e vet. KFOR-i, mbush armët
Dhjetë orë pas një përleshje të fortë ndërmjet forcave të KFOR-it dhe serbëve të Jagjenicës, të Zubin Potokut, ku u plagosen rreth 25 ushtarë të KFOR-it dy prej tyre me armë zjarri, KFOR tregon “dhëmbët”. Prishtinë, reagim pas dhunimit të varreve hebraike
Shoqata e Solidaritetit Shqiptaro-Hebre, përmes një deklarate për media ka reaguar ashpër pas përdhosjes që iu është bërë varrezave hebraike në lagjen Velania, në Prishtinë, me vizatimin e simboleve naziste mbi to.
Këshilli i Sigurimit në OKB, debate për Kosovën
Gjatë seancës së Këshillit të Sigurimit për Kosovën, Ministri i Jashtëm i Kosovës, Enver Hoxhaj denoncoi fuqishëm qeverinë e Serbisë, e cila nëpërmjet struktuarve paralele serbe dhe narrativës luftarake po pengon paqen dhe stabilitetin.
Tadic: Të hiqen barrikadat
Presidenti serb, Boris Tadic, u ka bërë thirrje serbëve të Kosovës që të tërhiqen nga barrikadat përfundimisht.

Lajmet kryesore

Ndahet nga jeta Leka Zogu I
Ndërron jetë në moshën 72-vjecare
PE: 12 prioritetet, plani këtë javë
Ndryshon drafti për vizat
Këshilli i Sigurimit në OKB, debate për Kosovën
Festat në Romë