Ora 20.50 / Uniformat blu shoqërojnë kutitë e votimit në QNV

Policia e Shtetit me mbylljen e procesit të votimit, ka kaluar në një fazë tjetër të rëndësishme të detyrave të saj zgjedhore, që është shoqërimi i kutive me fletët e votimit nga qendrat e votimit për në vendet e numërimit të votave. Nëpërmjet një deklarate për shtyp, mësohet se ky proces ka filluar pas orës 19.00 dhe po ecën normalisht pa pasur asnjë incident deri në këto momente. Policia e Shtetit garanton të gjithë opinionin publik se po vazhdon me seriozitet dhe angazhim maksimal deri në përfundim të këtij procesi.
Sipas qarqeve deri tani janë shoqëruar materialet zgjedhore pranë vendeve të numërimit të votave si më poshtë:
Kukës janë shoqëruar 66 kuti me fletë votimi
Shkodër, 130 kuti
Lezhë, 120 kuti.
Dibër, 60 kuti
Durrës, 38 kuti
Tiranë, 90 kuti
Elbasan, 176 kuti
Korçë, 146 kuti
Fier, 12 kuti
Berat, 30 kuti
Vlorë, 30
Gjirokastër 143

Last Updated on Sunday, 28 June 2009 20:05