PD akuza Rames per trojet ne Tirane

Selia blu dhe Bashkia e Tiranes u perplasen serish dje per trojet e dhena ne kryeqytet. Deputetja e Partise Demokratike, Lajla Pernacka, i kerkoi dje kreut te Bashkise se Tiranes, Edi Rama, qe te sqaroje aktet dhe praktikat e tij korruptive me trojet ne kryeqytet. "Perse perdoret standard i dyfishte ne koston e trojeve ne te njejtin vend ne Tirane. Vlera prej 1403 euro/m2, ne cilet xhepa ka shkuar ne vend qe te shkonte ne buxhetin e shtetit, apo per fondin e kompensimit te pronareve. Sqaroni abuzimet skandaloze me pronat ne qender te Tiranes", kerkoi Pernacka. Ajo theksoi, se PD do te vijoje te zbardhe korrupsionin ne Bashkine e Tiranes, per ti thene ndal gllaberimit te trojeve private te pronareve. Menjehere pas kesaj deklarate, zedhenesja e Bashkise se kryeqytetit, Joana Bushi, i quajti mashtrime te gjitha akuzat e deputetes demokrate. "Korri i laraskave po shtohet dita dites, por ashtu sic kemi deklaruar edhe me pare, Bashkia e Tiranes nuk do te harxhoje asnje minute kohe nga koha e vyer ne sherbim te qytetit e as nuk do te shqetesoje e dhunoje qytetaret permes ekraneve, sic rendom bejne zerat e cirrura te Qeverise Berisha", tha Bushi. Sipas saj, Bashkia e Tiranes, shpifjeve dhe trillimeve te politikes se perbaltjes, ia ka dhene pergjigjen e merituar ligjore.