PD:PS censuruese e mediave

Partia Demokratike ka deklaruar nëpërmjet zëdhënësit të tij Gerti Bogdani se mediat e orkestruara nga Rama nuk kanë dhënë lajmin e vizitës së ministrave të Kosovës në punimet e rrugës Durrës Kukës Morinë. "Dje, kryetati i Partisë Socialiste dhe njëkohësisht kryecensuruesi i Shqipërisë dhe armik i egër i korridorit të shqiptarëve, Durrës-Kukës-Morinë urdhëroi tele-belendin për të censuruar vititën në korridorin e shqiptarëve, jo vetëm të ministrit të Punëve publike, por edhe të katër ministrave të qeverisë së Kosovës", u shpreh Bogdani. Këtë veprim Partia Demokratike e quan një akt të shëmtuar. "Me këtë akt të shëmtuar dhe primitiv Rama vazhdon të faktojë intolerancën e plotë ndja fjalës së lirë dhe lirisë së informacionit, diktatin e tij nga mediave deri në censurë të plotë", shtoi Bogdani. Partia Demokratike "i ka bërë thirrje Ramës të mos ketë frikë që Shqipëria po ndryshon".