PDSH, Hoxha: Shqipja do të përdoret në të gjitha nivelet

Manastir-Kandidatja për presidence e Partisë Demokratike Shqiptare (PDSH), Mirushe Hoxha gjatë fjalës së saj në Manastir para simpatizantëve, është përqendruar kryesisht në përdorimin e gjuhës shqipe në të gjitha nivelet. Për sa i përket çështjes së emrit, ajo theksoi se do të luftojë të gjendet kompromis për zgjidhjen e tij dhe nuk do të lejojë që dikush të luajë me ndjenjat kombëtare të popullit.

Në takimin në Manastir morën pjesë edhe nënkryetari i PDSH-së Iljaz Halimi, si dhe ish-ministri i Kulturës Arifikmet Xhemaili. Bartësi i listës së këshilltarëve Zait Aliu tha se do të kërkojë zgjidhjen e problemeve infrastrukturore me dinamikë përkatëse në vendet e banuara në territorin e komunës së Manastirit. /lajm/start/