PE Me shume per demokracine

Eurodeputetja Ulrike Lunacek ka vlerësuar se edhe në procesin e rivotimit të 9 janarit janë vërejtur shumë parregullësi dhe manipulime.

Lunacek ka deklaruar se në Kosovë janë zhvilluar dy palë zgjedhje, të cilat sipas saj kanë dëmtuar rëndë imazhin e shtetit të ri.

Eurodeputetja është shprehur se Kosova duhet të bëjë më shumë përpjekje për demokracinë, ndërsa liderët e saj të tregojnë se kanë vullnet për të ndryshuar gjërat.

“Më vjen keq ta them, por në këto dy palë zgjedhje u dëmtua rëndë imazhi i Kosovës dhe ky fakt mund të ndikojë negativisht në hapat që Kosova duhet të ndjekë drejt BE-së”, ka pohuar Lunacek.

Eurodeputetja austriake ka sqaruar se të dielën ka qëndruar në Drenas, ndërsa në Skënderaj kolegia e saj, Jutta Seinrisk.

Të dyja ato kanë konstatuar mjaft parregullësi dhe kanë shprehur shqetësimin për mashtrimet zgjedhore dhe kërcënimet që janë bërë gjatë procesit në këto dy komuna.