PE: Urgjent zgjidhni ngercin politik
Rozeta Rapushi
Deputetet e Parlamentit Evropian bene dje apel, per zgjidhjen sa me pare te ngercit politik ne Shqiperi. Udheheqesit e Grupit te Aleances Progresive te Socialisteve dhe Demokrateve ne Parlamentin Evropian, shprehen dje shqetesimin e tyre te thelle mbi situaten politike ne Shqiperi. Si dhe kerkuan zgjidhjen urgjente te ngercit politik ne vendin tone, permes bashkepunimit dhe dialogut politik. "Theksojme se rruga per zgjidhjen e krizes politike ne Shqiperi duhet gjetur urgjentisht dhe se duhen vendosur bazat e nje dialogu konstruktiv mes qeverise dhe opozites me synimin per te forcuar procesin e integrimit evropian te vendit", paralajmeruan dje eurodeputetet e majte. Sipas tyre, te gjitha forcat politike duhet te angazhohen dhe te realizojne transparencen e procesit elektoral, si nje baze e qendrueshme per permiresime te rendesishme ne menyren sesi do te organizohen zgjedhjet ne te ardhmen duke bere qe ato te permbushin standardet nderkombetare. "Pas kthimit te pjesetareve te Partise Socialiste te Shqiperise ne Kuvendin e Shqiperise, nuk eshte dhene ende nga ana e partive te mazhorances qeverisese nje pergjigje e kenaqshme per kerkesat e opozites per ngritjen e nje komisioni hetimor parlamentar, qe do te zhvilloje nje hetim te plote, duke perfshire edhe hapjen e kutive te votimit, mbi menyren sesi u zhvilluan zgjedhjet parlamentare te 2009. Shqiperia e gjen serish veten ne nje krize te thelle politike, e cila po bllokon seriozisht ambiciet evropiane te vendit", paralajmeruan eurodeputetet. Nderkohe qe ata u shprehen te gatshem per te ndihmuar ne arritjen e nje marreveshjeje per krizen qe po kalon vendi. Zevendespresidentet e Grupit, Severin dhe Svoboda perseriten vullnetin e tyre qe, nese eshte e mundur se bashku me koleget e tyre nga Grupi PPE ne Parlamentin Evropian te vijne ne Shqiperi dhe te zhvillojne bisedime me te gjitha palet per te ndihmuar ne arritjen e nje marreveshjeje per krizen qe po kalon vendi, mbi bazat e nje zgjidhjeje te ekuilibruar. Apeli vjen ne nje kohe kur forcat politike ne vend, nuk e kane gjetur ende gjuhen e perbashket per ceshtjen e hetimit te zgjedhjeve parlamentare te 28 qershorit. Aktualisht eshte i ngritur vetem me votat e mazhorances, nje komision hetimor parlamentar per transparencen e zgjedhjeve te 28 qershorit, i cili nuk ka nisur ende nga puna. Deputetet e Partise Socialiste kane deklaruar se nuk do te marrin pjese ne nje komision te tille, i cili nuk permban asnje kerkese te selise roze per procesin e hetimit te zgjedhjeve. Kerkesa, si ajo per hapjen e kutive te votimit, apo te pakten te kutive te materialeve zgjedhore. Debatet politike ne vend kane nisur qe ne gusht te vitit te kaluar, me shpalljen zyrtare te rezultateve perfundimtare te zgjedhjeve. Opozita u rikthye ne Kuvend, pas nje bojkoti gjashte mujor te punimeve te tij.