PE: Vizat, nuk ka asnje pengese per shqiptaret Rozeta Rapushi
Grupi i Unionit te Majte ne Parlamentin Evropian, perfaqesues i te gjelberve, mbeshtet pershpejtimin e procedurave per liberalizimin e vizave per shqiptaret. Raporteri i Parlamentit Evropian per Shqiperine dhe Ballkanin, njekohesisht anetar i grupit konfederal te Unionit te Majte, Nikolaos Chountis, siguroi dje se angazhimi i tij personal por dhe i grupit te tij ne PE, eshte pershpejtimi i procedurave per heqjen e vizave per shqiptaret. Mbeshtetjen Chountis ia beri kryetares se Kuvendit, Jozefina Topalli. "Kemi qene dhe mbetemi mbeshtetes se levizjes se lire te qytetareve ne Evrope dhe perkrahim fort heqjen e vizave per qytetaret shqiptare", u shpreh ai. Nga ana tjeter, raporteri kritikoi bojkotin e deputeteve socialiste ndaj Kuvendit. Sipas Chountis, bojkoti ka provokuar disa probleme. "Bojkoti ka provokuar disa probleme, por une shpresoj qe kjo situate te zgjidhet. Nuk ka demokraci pa ndarje te pushteteve, tha ai, dhe nderhyrja e pushteteve te njeri-tjetri eshte kunder parimeve te nje demokracie", theksoi ai. Nga ana tjeter, Chountis shprehu besimin, ne pershpejtimin e proceseve integruese per vendet e Ballkanit Perendimor. "Jo thjesht si raporter dhe jo vetem se detyrimet jane plotesuar, por une besoj se integrimi i ketyre vendeve ne BE eshte nje aspekt pozitiv, faktor paqeje dhe stabiliteti per rajonin, por edhe per mireqenien e popujve",-theksoi Chountis. Nga ana e saj, kryetarja Topalli, duke vleresuar si shume inkurajuese mbeshtetjen e nderkombetareve, tha Shqiperia do te beje cdo gje, qe te merret vendimi per heqjen e vizave, pavaresisht nga perpjekjet e nje njeriu per ta penguar kete, permes sjelljeve jo evropiane. "Parlamenti ka kaluar te gjitha ligjet qe jane detyrim per heqjen e vizave. Po ashtu, parlamentaret po lobojne ne vendet anetare te BE-se per te bere te mundur marrjen e vendimit per levizjen e lire",-tha Topalli. Duke iu referuar deklarates se komisionierit per zgjerimin ne BE, kryetarja e Kuvendit tha se, bazuar ne dy parimet e theksuara edhe ne kete deklarate, transparence dhe respektimi i Kushtetutes, ne miratuam se fundmi ne Parlament edhe komisionin hetimor, per nje transparence te plote te zgjedhjeve me te mira e te lira te zhvilluara ne Shqiperi. Ne keto kushte, Topalli gjeti edhe njehere vendin te ftoje opoziten socialiste qe te jete pjese aktive e plote ne Kuvend. Topalli kerkoi nga deputetet e opozites te behen pjese e veprimtarise se plote te Parlamentit. Ftese e cila vjen ne nje kohe kur deputetet e Partise Socialiste, kane deklaruar se do te jene pjeserisht pjese e Kuvendit. Cka do te thote se ata do te marrin pjese ne seanca plenare, me qellimin e vetem per te kerkuar transparencen e zgjedhjeve parlamentare te 28 qershorit.
Kritika
Raporteri i Parlamentit Evropian per Shqiperine dhe Ballkanin, njekohesisht anetar i grupit konfederal te Unionit te Majte, Nikolaos Chountis, kritikoi dje bojkotin e deputeteve socialiste dhe keshilloi respektimin e ndarjes se pushteteve.