PLL: BE te liberalizoje vizat per Shqiperine

Partia Levizja e Legalitetit, vleresoi dje permbushjen e detyrimeve nga qeveria per udherrefyesin e liberalizimit te vizave me vendet e Bashkimit Evropian. Kjo force politike, tha dje se maxhoranca ne pushtet, ka treguar vullnet te mire dhe permes masave konkrete, ka arritur rezultate te dukshme per menaxhimin e kufijve dhe pajisjen e qytetareve me pasaporta biometrike. Te gjitha keto, pjese e plotesimit te udherrefyesit te Komisionit Evropian per procesin e liberalizimit te vizave. Proces qe sipas legalisteve po kundershtohet dhe pengohet vetem nga Partia Socialiste. "Perkundrejt ketij angazhimi serioz te maxhorances qeverisese, bie ne sy qendrimi kundershtues i Partise Socialiste e cila vazhdon te mbaje peng reformen ne drejtesi. Ky rol kundershtues i saj, nuk mund te mbulohet as me thirrjet hipokrite per liberalizimin e vizave te Rames dhe as me votimin formal qe grupi parlamentar i PS i beri rezolutes qe Kuvendi i Shqiperise hartoi ne mbeshtetje te heqjes se vizave", reagoi PLL. Sipas kesaj force politike, Shqiperia e ka deshmuar me vepra perkatesine e saj evropiane dhe se e ka merituar prej kohesh liberalizimin e vizave. Tashme, per PLL qe edhe kriteret teknike duken te realizuar, eshte radha e BE-se qe t'i permbahet angazhimeve dhe kalendarit te tij per finalizimin e ketij procesi.