PS: Berisha, diplomaci me letra anonime Rozeta Rapushi

Qeveria duhet te zgjidhe krizen politike dhe t'i jape fund cmendurive ne lidhje me ndryshimet ne ligjin per Sherbimin Informativ Shteteror. Apeli dhe akuza u be dje nga deputeti i Partise Socialiste, njeheresh nenkryetar i grupit parlamentar socialist, Eduard Shalsi, i cili tha se eshte per te ardhur keq se ne cfare niveli po bie cdo dite diplomacia shqiptare. Ne emer te selise roze, Shalsi, denoncoi indiferencen e kreut te qeverise Sali Berisha, ndaj thirrjeve dhe kerkesave te Shteteve te Bashkuara te Amerikes, per ligjin e SHISH. "Dy dite me pare u njohem me nje leter, qe ndihmes sekretari amerikan i shtetit Philip Gordon, me kerkese te zonjes Hillary Clinton, i dergonte krereve te qeverise shqiptare, si pergjigje ndaj ankesave te perseritura te Sali Berishes per deklaratat e ambasadorit amerikan ne Shqiperi. Kjo ngjarje, qe do te kishte perbere nje skandal ne cdo shtet normal, mesa duket nuk eshte mjaftueshem e rendesishme per Sali Berishen, i cili vazhdon te injoroje kerkesat e vazhdueshme te Shteteve te Bashkuara dhe partnereve te tjere nderkombetare", denoncoi Shalsi. Sipas tij, indiferenca e qeverise shkon edhe me tej, duke mohuar ekzistencen e ndonje letre ankese nga pala shqiptare. Nje gje e papranueshme kjo nga kampi i majte, pasi sipas socialisteve, nese qeveria shqiptare nuk eshte ankuar ndonjehere zyrtarisht tek Departamenti i Shtetit Amerikan ne lidhje me deklaratat e ambasadorit amerikan, atehere kujt i pergjigjet ndihmes Sekretari Amerikan i Shtetit Philip Gordon?. "Menyra se si Sali Berisha drejton diplomacine, permes letrave te tilla anonime, tregon per nje mungese te theksuar serioziteti, per papergjegjshmeri, per nje sharlatanizem, qe po demton rende aspiratat e shqiptareve", akuzoi socialisti. Numri dy i grupit socialist, tha se vetem kryeministri Sali Berisha, nuk e kupton se kur nje ambasador shprehet per nje ceshtje, ai nuk shpreh mendimin e vet personal, por perfaqeson qendrimin e shtetit te tij. Sipas Shalsit, kete gje Sali Berisha nuk e kupton, ose nuk deshiron ta kuptoje dhe duke ndjekur gjurmet e veta si sekretar i Partise Komuniste, vazhdon te shkruaje edhe sot ne vitin 2010, letra anonime, njesoj si 30 vjet me pare. "Tani qe pergjigja e Departamentit te shtetit ishte e qarte, jo vetem ne raport me nevojen urgjente per zgjidhjen e krizes politike, por dhe per garantimin e pavaresise se institucioneve, e vecanerisht sherbimit informativ, Sali Berisha duhet te reflektoje dhe te veproje te pakten njehere ne menyre te pergjegjshme. Te zgjidhe krizen politike, te heqe dore nga kontrolli mbi gjykatat dhe te harroje cmendurite ne raport me sherbimin informativ shqiptar", tha deputeti i Partise Socialiste. Apelet e opozites ne lidhje me ngercin politik, vijne ne nje kohe kur Kryeministri Sali Berisha, ka bere te qarte qendrimin edhe ne keto dite te nxehta vere, se nuk ka transparence te zgjedhjeve ne kushtershtim me ligjin, duke hapur fletet e votimit.