PS: Demshperblimi, Berisha mashtroi per familjet
Partia Socialiste akuzoi dje kryeministrin Sali Berisha se genjeu kur deklaroi se 800 mije familje do te marrin kartolinen e vitit te ri nga qeveria. Permes nje komunikimi per mediat, deputeti i selise roze, Ilir Beqja, deklaroi se festat e fundvitit erdhen, por familjet e varfra shqiptare ne qytet e ne fshat nuk kane me se te festojne. "Berisha genjeu perseri dhe tashme prej muajsh jemi deshmitare, qe ai eshte ne gare me genjeshtrat e tij. Genjeu para deputeteve te tij, te cilet nuk pipetine, sepse Jozefina ua ka zene gojen me shperblimet qe kane marre", akuzoi Beqja. Sipas tij, kartolina e Vitit te Ri per bizneset ka te beje me perfshirjen ne skemen e TVSH-se, shtrenjtimin e energjise elektrike me 22 % dhe sipas projektit me te fundit, dy kasa regjistruese. Ai tha se edhe pensionisteve, Sali Berisha po u jep nje shperblim 30 % me te ulet se shperblimi qe kane marre para 5 vjetesh, ne vitin 2004. "Por Sali Berisha duhet te tregoje te verteten edhe per fondin e shperblimeve te ketij viti", theksoi zyrtari socialist.